यस साता ४ राशिलाई अत्यन्तै शुभ हुने भएको छ । ठूलो मात्र मात्रामा धन मिल्नुको साथै सुख पनि मिल्नेछ। यो समयमा केही व्यक्तिहरूले खर्च गर्दा सावधानी अपनाउनुपर्नेछ। यस सातामा मेष, वृष, मिथुन, कर्कट, सिंह, कन्या, तुला, वृश्चिक, धनु, मकर, कुम्भ र मीन राशि मध्ये कुन-कुन राशिलाई शुभ हुनेछ हेर्नुहोस्….
मेष राशि
यस साता मेष राशिवालीहरूको दाम्पत्य जीवन अत्यन्तै मधुर हुनेछ र जीवनसाथीसँग थप नजिकिनुहुनेछ। सन्तानले आशा भन्दा बढि सहयोग र माया दिने भएकाले मनमा असीमित खुशी भरिनेछ। विहानै घरमै भगवान गणेशको पूजाले मनमा गहिरो शान्ति र आत्मविश्वास मिल्नेछ। यात्राको अवसरले नयाँ अनुभव र ज्ञान दिनेछ, जसले भावी योजना निर्माणमा मद्दत गर्छ। व्यापारमा नयाँ साझेदार र अवसर आउने सम्भावना छ, जसले आम्दानीमा वृद्धि ल्याउनेछ। आर्थिक पक्षमा थोरै सोच–विचार गरेर गरिने निर्णयले दीर्घकालीन लाभ दिलाउनेछ।
मिथुन राशि
यस साता मिथुन राशिका जातकहरूले कार्यक्षेत्रमा उच्च पदस्थ व्यक्ति र सहकर्मीबाट निरन्तर प्रशंसा र सहयोग पाउनेछन्। पुरानो योजना पुनरावलोकन गरेर सुधार गरेमा परिणाम अत्यधिक अनुकूल रहनेछ। घरपरिवारमा समेत तपाईंको मनोगत भावनालाई महत्व दिइने भएकाले आत्मविश्वास बढ्नेछ। बौद्धिक क्षमता प्रयोग गरेर चुनौतीको सामना गर्दा नयाँ सफलताको मार्ग खुल्ला हुनेछ। सामाजिक कार्यक्रममा सहभागी भएर नयाँ मित्रता विस्तार गर्न सकिनेछ। स्वास्थ्य तर्फ स-साना ध्यानपूर्वक कदम चाल्नाले दीर्घकालीन ऊर्जा दिनेछ।
वृश्चिक राशि
यस साता वृश्चिक राशिका मानिसहरूले विगतमा थामिएका प्रोजेक्टहरूमा सफलता हात पार्नेछन् र सराहनीय सकारात्मक परिणाम आउनेछ। तपाईंको मेहनत र दृढ इच्छाशक्तिले प्रतिष्ठा वृद्धि गराउनेछ। घरपरिवारबाट अविरल उत्साह र माया प्राप्त हुँदा मनमा नयाँ जोश जाग्नेछ। पारिवारिक सदस्यहरूको सल्लाहले महत्वपूर्ण काममा सहयोग पुर्याउनेछ। व्यक्तिगत स्वास्थ्यमा पनि सुधार देखिनेछ, विशेषगरी नियमित व्यायाम र सन्तुलित आहारले फाइदा गर्नेछ। आत्मदर्शन गरेर अगाडि बढ्दा आत्मबल अझ सुदृढ हुनेछ।
कुम्भ राशि
यस साता कुम्भ राशिका जातकहरू चारैतिरबाट शुभ समाचार पाउनेछन् र मनमा उल्लास भरिनेछ। व्यापार वा पेशामा नयाँ अवसरले आम्दानीमा वृद्धि गर्ने सम्भावना देखिन्छ। तर व्यस्तता बढे तापनि दाम्पत्य जीवन सुमधुर रहनेछ, परिवारभित्र मिठास कायम रहनेछ। प्रतिस्पर्धीहरू बिरुद्ध तपाईंको रणनीतिले बल पु¥याउनेछ र सफलता सुनिश्चित हुनेछ। रोकिएको धन फिर्ता पाउँदा आर्थिक बोझ घट्नेछ र मन हल्का हुनेछ। आत्मविश्वासले लियाउने निर्णयहरू यथार्थपरक साबित हुनेछन्।
