धार्मिक मान्यता अनुसार फागुन शुक्ल पूर्णिमा तिथिको दिन होली पर्व मनाइन्छ। यस वर्ष होलिका दहन तिथि फागुन २३ गते मनाइनेछ। रङसहितको ज्योतिषका अनुसार यस वर्ष होली पर्व थप विशेष हुने भएको छ। वास्तवमा होलीको दिनमा ३० वर्षपछि शनि स्वराशि कुम्भमा र १२ वर्षपछि देव गुरु बृहस्पति स्वराशि मीनमा विराजमान हुनेछन्। यसका साथै कुम्भ राशिमा त्रिग्रही योग रहनेछ। कुम्भ राशिमा शनि, सूर्य र बुधले त्रिग्रही योग बनाउँदै छन्। ३० वर्षपछि होलीमा ग्रहहरूको यस्तो स्थिति सिर्जना हुँदैछ। यो दुर्लभ संयोगले कुन-कुन राशिलाई शुभ साबित हुनेछ जान्नुहोस्।
वृष राशि
होलीको अवसरमा बन्ने यो शुभ योगले वृष राशिका व्यक्तिलाई आर्थिक लाभ मिल्नेछ। यस समयमा नोकरी गर्नेहरुका लागि समय अनुकूल छ। काममा नयाँ अवसर मिल्ने देखिन्छ। व्यापार व्यवसायमा संलग्न व्यक्तिले पनि लाभ प्राप्त गर्नेछन्। लामो समयदेखि लगानी गर्ने सोच राख्नेहरूका लागि पनि समय अनुकूल छ। पद तथा प्रतिष्ठामा वृद्धि हुने सम्भावना छ। मान सम्मान बढ्नेछ।
मिथुन राशि
यस समयमा ग्रहहरुको संयोगको कारण मिथुन राशिका व्यक्तिको लागि शुभ रहनेछ। यस समयमा हात हालेको काममा अवश्य सफलता मिल्नेछ । सरकारी जागिरको लागि तयारी गरिरहेका विद्यार्थीहरूले शुभ समाचार पाउन सक्छन्। विदेशमा बस्ने वा काम गर्ने योजनामा रहेका व्यक्तिको योजना पनि साकार हुन सक्छ। व्यवसाय गर्नेहरूले आफ्नो कार्यक्षेत्र विस्तार गर्न सक्छन्। आर्थिक क्षेत्रमा लाभको प्रबल सम्भावना छ। परोपकारी कार्यबाट अधिक लाभ मिल्नेछ।
वृश्चिक राशि
शनि, सूर्य र बुधको त्रिग्रही योगले वाहन तथा भवनको सुख प्राप्त हुनेछ। यस समयमा नयाँ सवारीसाधन किन्न सकिनेछ। यस समयमा व्यापार गर्नेहरूले पनि राम्रो आर्थिक लाभ पाउन सक्छन्। लामो समयदेखि आर्थिक संकट झेलिरहेका उनीहरुको समस्या पनि छिट्टै अन्त्य हुनसक्छ। पेसा–व्यवसायमा लाभको अवसर मिल्नेछ ।
कुम्भ राशि
सूर्य, शनि र बुधले यस राशिमा त्रिग्रही योग बनाउँदै छन्। यो दुर्लभ योग कुम्भ राशिका लागि पनि शुभ मानिन्छ। कुम्भ राशिका व्यक्तिहरुलाई धन आर्जनको अवसर मिल्ने ज्योतिषीहरुको भनाइ छ। शिक्षा क्षेत्रमा उत्कृष्ट नतिजा प्राप्त हुनेछ। पेसा–व्यवसायमा क्रमिक सुधार हुनेछ। परिवारका सदस्यहरूको स्वास्थ्य पनि राम्रो रहनेछ।
