काठमाडौँ : बलिउड अभिनेत्री मनिषा कोइरालाको फिल्म ‘शेहजादा’ प्रदर्शनको तयारीमा रहेको छ। यसैबीच उनका केही तस्बिरले राम्रो चर्चा कमाएको छ। हालै उनले आफ्नो इन्स्टाग्राममा गरेको फोटोको व्यापक चर्चा भएको हो।
उमेरले ५२ वर्ष टेके पनि उनको सौन्दर्यमा कुनै कमी आएको छैन। हालै उनले सार्वजनिक गरेको तस्बिरमा उनी आफ्नो वास्तविक उमेरभन्दा निकै जवान देखिएकी छिन्। हल्का गुलाबी रङको आउटफिटमा उनी निकै सुन्दर र आकर्षक देखिएकी छिन्।
मनिषा कोइरालाको यो सुन्दर तस्बिरलाई बलिउड अभिनेता कार्तिक आर्यनले पनि लभ रियाक्ट गरेका छन्। फिल्म ‘शेहजादा’ मा मनिषा अभिनेता कार्तिक आर्यनसँग देखिँदैछन्। यो फिल्म माघ २७ गते प्रदर्शनमा आउँदैछ। यससँगै उनी अहिले सञ्जयलीला भन्सालीको नेटफ्लिक्स सिरिज ‘हीरामण्डी’मा व्यस्त छिन्।
