मंगल ग्रहलाई ग्रहहरूको सेनापति भनिन्छ। जनवरी १३ देखि मंगल ग्रह मार्गी हुँदै वृष राशिमा प्रवेश गर्नेछ। मंगलदेव अक्टोबर ३० सम्म मार्गी रहनेछन्। ज्योतिषशास्त्रका अनुसार यदि कुनै ग्रह मार्गी छ भने यसको अर्थ त्यसको गति सीधा रहेको हुन्छ।
यदि कुनै व्यक्तिको कुण्डलीमा मंगल ग्रह कमजोर हुन्छ भने जीवनमा धेरै कठिनाइको सामना गर्नु पर्ने हुन्छ। त्यस्तै, जनवरी १३ बाट मंगल ग्रहको मार्गी गति केही राशिका लागि अत्यन्तै अशुभ हुनेछ। यस्तो अवस्थामा ती राशिका मानिस धेरै सावधान हुन आवश्यक छ। जान्नुहोस् कुन-कुन हुन् यी राशि:-
वृष राशि
यसै राशिमा मंगल ग्रहको मार्गी गति सुरु हुनेछ। मंगल ग्रहको यस्तो गतिका कारण अनेक स्वास्थ्य समस्याले गर्दा खर्च बढ्न सक्ने सम्भावना रहेको छ। आफ्नै वा आमाको स्वास्थ्यका कारण धेरै खर्च हुन सक्छ। तर तपाईं यी कठिनाइहरू पार गर्न सक्षम हुनुहुनेछ।
वृश्चिक राशि
मंगल ग्रहको मार्गी गतिका कारण तपाईंको स्वभाव क्रोधित रहन सक्छ, जसका कारण नजिकका व्यक्तिसँगको सम्बन्धमा नराम्रो असर पर्नेछ। आफ्नो व्यवहार राम्रो राख्नुपर्छ। आफ्नो जिब्रोमा नियन्त्रण राख्नुहोस् किनकि बिना कारण विवादमा पर्दा हानि हुन सक्छ।
उपाय
मंगल ग्रहको मार्गीबाट जीवनमा समस्या बढ्न थालेमा महादेवका पुत्र कार्तिकेयको पूजा गर्नुपर्छ। यस पूजा गर्नाले मंगल ग्रहको कृपा मिल्नेछ। यसका साथै हनुमान जीको पूजा गर्नाले पनि मंगल दोष हट्छ। मंगल ग्रहसँग सम्बन्धित समस्याहरू हटाउन काल भैरवको पूजा र मन्त्र जप गर्न सकिन्छ।
