नयाँ वर्ष २०२३ सुरु भएको छ। नयाँ वर्षको पहिलो महिना जनवरीमा धेरै ग्रहहरूको राशि परिवर्तन हुनेछ। यो महिना सूर्य, शुक्र, बुधसँगै शनिले पनि आफ्नो राशि परिवर्तन गर्नेछन्। यस बाहेक मंगल र बुध ग्रह मार्गी हुनेछन्। जनवरी १४ मा सूर्य गोचर, १८ जनवरीमा बुध गोचर, २२ मा शुक्र गोचर, १२ मा मंगल गोचर, १७ जनवरीमा शनि गोचर हुनेछ। ज्योतिष शास्त्र अनुसार जनवरी महिनामा ग्रह परिवर्तनका कारण कतिपय राशिमा अशुभ प्रभाव पर्न सक्छ।
मेष राशि
जनवरी महिनामा ग्रहको चालले तपाईंको जीवनमा प्रभाव पार्नेछ। यो महिना धनको मामलामा विशेष ध्यान दिनुहोला। कार्यालयमा सहकर्मीहरूसँग विवादको स्थिति आउन सक्छ। आम्दानी र व्ययको सन्तुलन मिलाउन कठिन हुनेछ। तपाईं कुनै पुरानो रोगको शिकार हुन सकिन्छ।
कर्कट राशि
कर्कट राशिका व्यक्तिहरूले आर्थिक क्षेत्रमा घाटा व्यहोर्नु पर्नेछ। पारिवारिक जीवनमा कठिनाइ आउन सक्छ। प्रेमी-प्रेमिका तथा जीवनसाथीसँग मतभेद हुन सक्छ। धैर्यवान हुनुहोस्। आर्थिक बजेट बनाउनुहोस् र अगाडि बढ्नुहोस्। स्वास्थ्य सम्बन्धि समस्याले तपाईंलाई मानसिक तनाव दिन सक्छ।
कन्या राशि
जनवरीमा ग्रहहरूको राशि परिवर्तनले कन्या राशिका मानिसहरूमा नकारात्मक प्रभाव पार्नेछ। यस अवधिमा कतै अड्किएको तपाईंको पैसा डुब्न सक्छ। अनावश्यक व्यस्तता बढ्न सक्छ। करियरमा खासै फाइदा हुने छैन। धन सम्बन्धि मामिलामा सावधानी अपनाउनु पर्ने देखिन्छ।
वृश्चिक राशि
वृश्चिक राशि हुनेहरूले आर्थिक कष्ट भोग्नु पर्नेछ। पैतृक सम्पत्तिमा पनि समस्या आउन सक्छ। प्रेम जीवन कठिनाइले भरिएको हुन सक्छ। यदि तपाईं काम परिवर्तन गर्ने सोचमा हुनुहुन्छ भने, त्यसलाई तत्कालका लागि स्थगित गर्नुहोस्। परिवारसँग समय बिताउनुहोस्।
कुम्भ राशि
शनि १७ जनवरी, २०२३ मा कुम्भ राशिमा प्रवेश गर्नेछ। शनि राशि परिवर्तनसँगै कुम्भ राशिका लागि शनिको साढेसातीको दोस्रो चरण सुरु हुनेछ, जसले तपाईंको जोखिम बढाउँछ। त्यसैले यस अवधिमा तपाईंले आफ्नो बोलीमा संयम राख्नु आवश्यक छ। आफ्नो स्वास्थ्यप्रति सचेत रहनुहोस्।
