नयाँ वर्ष १ जनवरी २०२३ देखि सुरु हुनेछ। वर्षको पहिलो महिनामा केही ग्रहको अवस्थामा परिवर्तन आउनेछ। एक राशिबाट अर्को राशिमा ग्रह प्रवेश गर्दा केही राशिका व्यक्तिहरूले लाभ प्राप्त गर्नेछन्। जनवरी २०२३ मा कुल चार ग्रहले राशि परिवर्तन गर्नेछन्।
जनवरी २०२३ मा कुन ग्रहको राशि परिवर्तन हुनेछ?
नयाँ वर्षको पहिलो महिनाको १४ तारिख अर्थात जनवरी १४ को दिन सूर्य धनु राशिबाट निस्केर मकर राशिमा प्रवेश गर्नेछ। यो दिनलाई मकर संक्रान्ति पनि भनिन्छ। त्यसपछि १७ जनवरीमा न्याय र कर्म दिने शनि मकर राशिबाट निस्केर कुम्भ राशिमा प्रवेश गर्नेछन्। २२ जनवरी, २०२३ मा शुक्र कुम्भ राशिमा प्रवेश गर्नेछ। यस बाहेक बुध र मंगल ग्रह मार्गी हुनेछन्। जान्नुहोस् जनवरी महिनामा ग्रहको स्थितिमा हुने परिवर्तनमा कुन राशिका व्यक्तिहरूले ध्यान दिनुपर्छ-
मेष राशि
जनवरीमा ग्रहको स्थितिमा आएको परिवर्तनका कारण मेष राशिका व्यक्तिहरूलाई कठिनाइको सामना गर्नु पर्नेछ। काममा अवरोध आउनेछ। धन हानि हुने सम्भावना छ। अनावश्यक खर्चमा नियन्त्रण गर्नुहोस्। परिवारमा मनमुटावको स्थिति आउन सक्छ। कार्यस्थलमा विवादको स्थिति आउन सक्छ। स्वास्थ्यको ख्याल गर्नु जरुरी छ।
कर्कट राशि
कर्कट राशिका व्यक्तिहरूले जनवरी महिनामा केही समस्याहरूको सामना गर्नुपर्नेछ। काममा कठिनाइ हुनेछ। आफ्नो क्रोधलाई नियन्त्रण गर्नुहोस्, अन्यथा चीज बिग्रन सक्छ। पारिवारिक जीवनमा तनावको सम्भावना छ। अनावश्यक खर्चले मन खिन्न रहनेछ। नयाँ वर्षमा जागिर खोज्नेहरूले केही समय पर्खनुपर्ने हुन सक्छ।
कन्या राशि
नयाँ वर्ष २०२३ जनवरी कन्या राशि हुनेहरुका लागि मिश्रित रहनेछ। वर्षको सुरुवाती दिनमा सफलता मिल्नेछ। तर समय बित्दै जाँदा तपाईंले समस्याहरूको सामना गर्नुपर्नेछ। करियरमा मिश्रित परिणाम प्राप्त हुनेछ। लगानी गर्नबाट बच्नुहोस्।
वृश्चिक राशि
जनवरी महिनामा समस्याको सामना गर्नु पर्नेछ। वादविवादबाट टाढा रहनुहोस्। भूमि सम्बन्धि समस्याको सामना गर्नु पर्नेछ। काम गर्ने व्यक्तिले कामको बोझ महसुस गर्न सक्छ। परिवारमा मनमुटावको स्थिति रहनेछ।
कुम्भ राशि
कुम्भ राशिका व्यक्तिहरूले जनवरी महिना धेरै सावधानीपूर्वक पार गर्न आवश्यक छ। जनवरी १७ मा शनि कुम्भ राशिमा प्रवेश गर्नेछ। जसका कारण कुम्भ राशिमा शनिको साढेसातीको दोस्रो चरण सुरु हुनेछ। यो महिना थप खर्चको सामना गर्नु पर्नेछ। अनावश्यक बहसबाट टाढा रहनुहोस्। आफ्नो स्वास्थ्यको ख्याल राख्नुहोला।
