काठमाडौँ : सूर्य पुष १ गते शुक्रबार धनु राशिमा प्रवेश गरेको छ। यस प्रवेशलाई धनु संक्रान्ति भनिन्छ। सूर्यको यस गोचरका कारण ६ राशिका जातकलाई समस्या निम्त्याउन सक्छ। यदि तपाईको राशि यी ६ मा समावेश छन् भने तपाईले पनि सावधानी अपनाउनुपर्ने देखिन्छ। विशेषगरी मान-सम्मान, जागिर र करियरमा ठूलो बदलाव आउन सक्छ।
• वृष राशि – इ, उ, ए, ओ, बा, बि, बु, बे, बो (Taurus) : –
तपाईको राशिको आठौँ भावमा सूर्यको गोचर हुनेछ। यस गोचरको अवधिमा तपाईले मिश्रित परिणाम प्राप्त गर्नुहुनेछ। तपाईले आफ्नो स्वास्थ्यको विशेष ख्याल गर्नुपर्नेहुन्छ। यद्यपि यदि तपाई खोज-अनुसन्धानमा रुचि राख्नुहुन्छ भने यो गोचरले तपाईलाई सफलता दिलाउनेछ।
• मिथुन राशि – का, कि, कु, घ, ङ, छ, के, को, ह (Gemini) : –
मिथुन राशिको सातौँ भावमा सूर्यको गोचर हुनेछ। सूर्यको यस गोचरका कारण जीवनसाथीको सम्बन्धमा तनाव उत्पन्न हुन सक्छ। यद्यपि साझेदारी व्यवसायमा सफलता हात पार्न सकिनेछ। आफन्तसँग पछि केही कुरामा मतभेद हुनेछ। खर्चलाई लिएर पनि सावधान रहनुहोला। स्वास्थ्यमा विशेष ध्यान दिनु पर्ने देखिन्छ।
• सिंह राशि – मा, मि, मु, मे, मो, टा, टि, टु, टे (Leo) : –
सूर्य सिंह राशिको पाँचौँ भावमा गोचर गर्नेछ। तपाईको राशिको स्वामी सूर्य हो तर तपाईले सूर्यको यस गोचरबाट मिश्रित परिणाम प्राप्त गर्नुहुनेछ। भविष्यबारे तपाईको भ्रम हट्नेछ। मिहिनेतको फल मिल्नेछ। क्रोधका कारण समस्याको सामना गर्नु पर्नेछ। सन्तान पक्षमा ध्यान दिनु पर्नेछ।
• कन्या राशि – टो, प, पि, पु, ष, ण, ठ, पे, पो (Virgo) : –
कन्या राशिको चतुर्थ भावमा सूर्यको गोचर हुनेछ। कार्यक्षेत्रको लागि यो गोचर शुभ मानिन्छ तर गृहस्थी जीवन थोरै अस्तव्यस्त हुन् सक्छ। आमाको स्वास्थ्यको ख्याल गर्नुहोला। क्रोध र वाणीमा नियन्त्रण गर्नुहोला।
• धनु राशि – ये, यो, भ, भि, भु, ध, फा, ढ, भे (Sagittarius) : –
धनु राशिको प्रथम यानी लग्न भावमा सूर्यको गोचर हुनेछ। तपाईको मान-सम्मान र पद-प्रतिष्ठामा वृद्धिको योग देखिन्छ। नोकरीमा पदोन्नति हुनेछ। व्यापार-व्यवसायबाट मनग्यै लाभ मिल्नेछ। दाम्पत्य जीवनमा उतारचढाव आउन सक्छ।
• मकर राशि – भो, ज, जि, खि, खु, खे, खो, गा, गि (Capricorn) : –
मकर राशिको १२ औँ भावमा सूर्यको गोचर हुनेछ। यस अवधिमा तपाईले आफ्नो स्वास्थ्यलाई लिएर सावधान अपनाउनुपर्नेछ। सवारी चलाउँदा सावधानी अपनाउनुहोला। धार्मिक कार्यमा धन खर्च हुनेछ। सूर्यको यो गोचरले मिश्रित फल दिनेछ।
