काठमाडौँ – ललितपुर क्षेत्र नम्बर ३ मा राष्ट्रिय स्वतन्त्र पार्टीले अग्रता बढाउँदै लागेको छ। मतगणनाको सुरुवातमा पछि परेपनि शिर्ष स्थानमा उक्लिएको सो पार्टीकी उम्मेदवार डा. तोसिमा कार्कीले मतान्तर थप बढाउँदै लागेकी हुन्।
५ हजार ८ सय ९६ मत गणना हुँदा उनले २१ सय ८२ मत प्राप्त गरेकी छिन्। सुरुवाती अग्रता लिएका नेकपा एमालेका उम्मेदवारले १८ सय ८५ मत प्राप्त गरेका छन्। उनी कार्की भन्दा २ सय ९७ मतले पछि छन्।
त्यस क्षेत्रमा एमालेका तर्फबाट अमृत खड्का उम्मेदवार रहेका छन्। त्यस्तै सत्ता गठबन्धनले भने अहिले सम्म ११ सय ९९ मत प्राप्त गरेको छ।
सत्ता गठबन्धनको तर्फबाट यहाँ नेकपा माओवादी केन्द्रकी पम्फा भुसाल उम्मेदवार रहेकी छन्। भुसाल कार्की भन्दा ९ सय ८३ मतले पछि रहेकी छन्। त्यस्तै कार्की र खड्का बीच झन्डै ३ सय मतको अन्तर छ।
