वैदिक पात्रो अनुसार यस वर्ष कार्तिक ७ गते लक्ष्मी पूजा रहेको छ। तर यसपटक विशेष संयोग रहेको छ। दीपावलीमा सूर्यग्रहणको छायाँ पनि देखिन्छ। वास्तवमा सूर्यग्रहण सधैं अमावस्या तिथीमा लाग्छ र दीपावली पनि अमावस्या तिथीमा हुन्छ। यो ग्रहण ४ घण्टा ३ मिनेटको हुनेछ। वैदिक पात्रो अनुसार सूर्यग्रहण कार्तिक ७ गते दिउँसो २ बजेर ४४ मिनेटमा सुरु हुँदैछ। यस अवधिमा सूर्य तुला राशिमा हुनेछ, जुन यसको दुर्बल राशि मानिन्छ। यो सूर्यग्रहणको प्रभाव सबै राशीमा पर्नेछ तर ४ राशि छन् जुन राशिका मानिसले यस समयमा अलि सावधानी अपनाउनु पर्छ। आउनुहोस् जानौं यी कुन कुन राशि हुन्।
वृष राशि
सूर्य ग्रहण तपाईं लागि कठिनाईले भरिपूर्ण साबित हुन सक्छ। यो समयमा आफ्नो स्वास्थ्यको विशेष ख्याल गर्नुपर्छ। तसर्थ, यो समयमा तपाईंले आफ्नो खानपानमा धेरै ध्यान दिनुपर्छ। साथै, तपाईंलाई कुनै कुरामा मानसिक अशान्ति हुन सक्छ। व्यापारमा घाटा हुन सक्छ। यस समयमा लगानी नगर्नुहोस्, त्यहि नै राम्रो हुनेछ।
मिथुन राशि
सूर्यग्रहण तपाईंका लागि अलि पीडादायी साबित हुन सक्छ। यस समयमा अनावश्यक खर्च हुन सक्छ। यसले तपाईंको बजेट बर्बाद गर्न सक्छ, जसको ख्याल गर्नुपर्छ। यस समयमा महत्त्वपूर्ण काममा बाधा आउन सक्छ। साथै, व्यापारमा कुनै पनि सम्झौता अन्तिम भएपछि रोकिन सक्छ। जीवनसाथीसँगको सम्बन्धमा केही मनमुटाव आउन सक्छ।
कन्या राशि
सूर्यग्रहणका कारण आर्थिक चुनौतीको सामना गर्नुपर्नेछ। साथै व्यापार सुस्त हुन सक्छ। आम्दानी कम हुन सक्छ। यदि तपाईं नयाँ व्यवसाय सुरु गर्न जाँदै हुनुहुन्छ वा लगानी गर्न चाहानुहुन्छ भने केही समयका लागि रोक्नुहोस्, समय अनुकूल छैन। यस समयमा दुर्घटनाको सम्भावना रहेकाले सावधानीपूर्वक सवारी साधन चलाउनुहोस्।
तुला राशि
सूर्यग्रहण तपाईंका लागि अलि पीडादायी साबित हुन सक्छ। शनिको ढैय्या पनि तपाईं माथि चलिरहेको छ। दुर्घटनाको सम्भावना छ। त्यसैले सावधानीपूर्वक गाडी चलाउनुहोस्। यस समयमा तपाईंलाई केहि कुराको डर पनि हुनेछ।
