काठमाडौँ : ज्योतिषशास्त्रमा ग्रहको गोचर र प्रतिगामीको प्रभाव व्यक्तिको जीवनमा देख्न सकिन्छ। प्रत्येक ग्रहले निश्चित समय र अवधि पछि आफ्नो स्थान परिवर्तन गर्दछ। यसलाई राशि परिवर्तन पनि भनिन्छ। यसबाहेक, ग्रहहरू प्रतिगामी हुन्छन्। अप्रिल महिनामा लगभग सबै ग्रहहरुले राशि परिवर्तन गरेका छन्। र बैशाख २७ गते(मे १०) मङ्गलबारदेखि बुद्धिको कारक बुध ग्रह प्रतिगामी हुनेछ र जेठ २० गते(जुन ३) शुक्रबारसम्म यो स्थितिमा रहनेछ।
कुनै पनि राशिका व्यक्तिका लागि कुनै पनि ग्रहको गोचर लाभदायक हुन्छ भने केही राशिका लागि कष्टदायी साबित हुन्छ। यहाँ आज हामी जान्नेछौं कि बुध ग्रहको गोचरका कारण कुन राशिका मानिसहरुको भाग्य खुल्दैछ।
• मीन राशि – दि, दु, थ, झ, ञ, दे, दो, च, चि (Pisces) : –
ज्योतिष शास्त्रका अनुसार यस राशिका मानिसका लागि बुध ग्रह लाभदायक साबित हुने देखिन्छ। यी मानिसले लगानीबाट लाभ लिन सक्ने सम्भावना छ। आर्थिक स्थितिमा सुधार आउनेछ। यसका साथै प्रेमको मामिलामा पनि यो समय अनुकूल रहनेछ। शुभ तथा लाभदायक यात्राको योग बनिरहेको छ। यस अवधिमा गरिएको यात्रा लाभदायक साबित हुनेछ। नयाँ कामको थालनी गर्न सकिनेछ।
• वृष राशि – इ, उ, ए, ओ, बा, बि, बु, बे, बो (Taurus) : –
वृष राशिका लागि पनि बुध ग्रह शुभ रहनेछ। पुरानो लगानीले राम्रो प्रतिफल दिन सक्छ। परीक्षामा सफलता मिल्नेछ। अर्कोतर्फ, यदि तपाईं कुनै नयाँ काम सुरु गर्न चाहनुहुन्छ भने, तपाईंको लागि यो समय शुभ रहन्छ। यस अवधिमा कार्यस्थलमा कामको प्रशंसा हुन सक्छ। साथसाथै व्यापारमा पनि राम्रो लाभ हुने सम्भावना छ।
• कर्कट राशि – हि, हु, हे, हो, डा, डि, डु, डे, डो (Cancer) : –
कर्कट राशिका मानिसहरुका लागि यो समय आर्थिक रुपमा लाभदायक साबित हुने देखिन्छ। आम्दानीका एकभन्दा बढी स्रोत हुन सक्छन्। रोकिएका कामहरु सम्पन्न हुने सम्भावना छ। व्यापारमा उन्नतिको प्रबल सम्भावना छ। नयाँ साथी बनाउन सकिनेछ। अधिकारीसँगको सम्बन्ध सुमधुर बन्दै जाने देखिन्छ।
