ज श्री गणेश चतुर्थी अर्थात् ५ अप्रिल २०२२, मंगलबार छ। प्रत्येक महिनाको शुक्ल पक्षमा विनायक चतुर्थी व्रत राखिन्छ । तर नवरात्रिमा चतुर्थी व्रतको महत्व बढ्दै गएको छ । विशेष कुरा के छ भने विनायक चतुर्थी मंगलबार परेको छ । मंगलबार पर्ने चतुर्थीलाई अंगारकी चतुर्थी भनिन्छ । यस दिन भगवान गणेशको पूजा गर्नाले ऋणबाट मुक्ति मिल्ने जनविश्वास छ । यससँगै घरमा माता लक्ष्मीको आगमन हुन्छ ।
अंगारकी चतुर्थी व्रत
धार्मिक मान्यता अनुसार अंगारकी चतुर्थी व्रतलाई कुनै पनि क्षेत्रमा सफलता प्राप्त गर्न अत्यन्तै लाभदायक मानिन्छ । अंगारकी चतुर्थी व्रत राख्नाले एक वर्ष भरको चतुर्थीको व्रतको लाभ प्राप्त हुने जनविश्वास छ । मंगलबार चतुर्थी व्रत राख्नाले परिवारमा सुख, शान्ति र समृद्धि कायम रहन्छ । चर्तुर्थी तिथि महिनामा दुई पटक आउने गर्दछ, पूर्णिमा पछि आउने चतुर्थीलाई संकष्टी चतुर्थी र अमावस्यापछि आउने चतुर्थीलाई विनायकी चतुर्थी भनिन्छ।
विनायक चतुर्थी अप्रिल शुभ मुहूर्त २०२२-
चैत्र शुक्ल चतुर्थी तिथी ०४ अप्रिल २०२२ मा दिउँसो १:५४ मा सुरु हुँदै छ, जुन ०५ अप्रिल दिउँसो ०३:४५ बजे समाप्त हुनेछ। उदयतिथिमा चतुर्थी व्रत अप्रिल ५ गते राखिनेछ । भगवान गणेशको पूजा गर्ने उत्तम समय बिहान ११:०९ देखि दिउँसो १:३९ सम्म हो।
विनायक चतुर्थी पूजा विधि
यस दिन बिहान सबेरै उठेर नुहाउनुपर्छ । यसपछि घरको मन्दिर सफा गरी दियो बाल्नुहोस् । दीप प्रज्वलन गरेपछि गंगा जलले भगवान गणेशको पूजा गर्नुहोस्। यसपछि भगवान गणेशलाई सफा वस्त्र लगाउनुहोस्। भगवान गणेशलाई सिंदूरको तिलक लगाउनुहोस् र दुबो चढाउनुहोस्। भगवान गणेशलाई दोबो अति प्रिय छ। जसले भगवान गणेशलाई दुबो अर्पण गर्दछ, भगवान गणेशले उनको सबै मनोकामना पूरा गर्नु मान्यता रहेको छ। भगवान गणेशको पूजा गरी प्रशाद अर्पण गर्नुहोस्। भगवान गणेशलाई मोदक, लड्डू चढाउन सकिन्छ । व्रत बस्ने हो भने यो दिन व्रत बस्नुस् ।
