चैत्र नवरात्रि यही चैत १९ गते शनिबारबाट सुरु हुँदै छ । जसको समापन चैत २८ गते सोमबार हुनेछ । नवरात्रिको सम्पूर्ण ९ दिन भक्तजनका लागि विशेष हुन्छन् । वास्तवमा नवरात्रिमा देवी दुर्गाको पूजा आराधना गर्दा देवीको विशेष लाभ हुने मान्यता रहेको छ । चैत्र नवरात्रिमा देवी दुर्गाको पूजा गर्दा शनिबाट पीडितलाई पनि लाभ हुने मानिन्छ । यस्तो अवस्थामा जान्नुहोस् शनिको ढैय्या र साढे सतीबाट पीडित मानिसहरूले कसरी देवीको पूजा गर्ने ?
यस समयमा धनु, मकर र कुम्भ राशिका मानिसहरुलाई शनिको प्रभाव रहेको छ । योसँगै उनीहरु आर्थिक संकटबाट गुज्रिरहेका छन् । यस्तो अवस्थामा यी राशिका व्यक्तिहरूले नवरात्रिमा देवीको पूजा गर्न सक्छन्।
ज्योतिष शास्त्रका अनुसार यस समयमा मिथुन र तुला राशिका मानिसहरुलाई शनिको ढैय्याबाट पिडित छन् । जसका कारण उनीहरुमा मानसिक समस्या समेत बढेको छ । यस्तो अवस्थामा नवरात्रिमा देवीको पूजा गर्नु यी राशिका लागि लाभदायक साबित हुन सक्छ।
वृष, मिथुन, कन्या, मकर, तुला, कुंभ र मीन राशिका लागि पनि नवरात्रिमा देवीको पूजा गर्नु लाभदायक रहनेछ । यसका साथै विशेष मनोकांक्षा पनि पूरा हुनेछ ।
दुर्गा सप्तशतीको पाठ गर्नाले चार वटै पुरुषार्थको प्राप्ति हुन सक्ने मान्यता रहेको छ । यसका लागि दुर्गा सप्तशतीमा केही विशेष मन्त्रहरूको उल्लेख गरिएको छ। तर यसका लागि शुद्ध अन्त:करण र मनोभाव पाठ गर्न आवश्यक छ।
लगातार ९ दिन व्रत बस्न नसकेमा १, ३, ५ वा ७ सङ्ख्यामा व्रत राख्न सकिन्छ । यसरी व्रत बस्दा पनि पर्याप्त फल मिल्छ ।
