ज्योतिषशास्त्रका अनुसार कुण्डलीमा ग्रहको स्थितिसँगै व्यक्तिको राशिले पनि मानिसको व्यक्तित्व र भविष्यमा पनि प्रभाव पार्छ। त्यसैले एउटै राशिका मानिसहरुमा धेरै समानताहरु हुन्छन्। ज्योतिष शास्त्रमा यस्ता ५ राशिको बारेमा बताइन्छ, जसका मानिसले मनले मित्रता निभाउँछन् तर जब शत्रु यस राशिका हुन्छन् तब यी राशिका मानिस शत्रुता पनि खुलेर निभाउँछन्। यी मानिस आफ्ना शत्रुहरूलाई माफ गर्दैनन् र मौका पाउने बित्तिकै बदला लिन्छन्।
मेष राशि
मेष राशिका मानिसहरु अलि घमण्डी स्वभावका हुन्छन् र आफूलाई अरुभन्दा श्रेष्ठ ठान्छन्। जसका कारण उनका साथीहरु पनि कम हुन्छन्। त्यस माथि पनि यदि उनीहरूलाई कुनै कुरामा नराम्रो लाग्यो भने उक्त मानिसलाई शत्रु मान्न बेर लाग्दैन। यस राशिको स्वामी मंगल ग्रह हो, त्यसैले उनीहरुमा धेरै क्रोध हुन्छ र उनीहरु मानिसलाई सजिलै माफ गर्न सक्दैनन्।
मिथुन राशि
मिथुन राशिका मानिसहरु धेरै राम्रो मित्र साबित हुन्छन्। तिनीहरू धेरै हँसिलो र इमानदार हुन्छन्। तर अलिकति पनि दुव्र्यवहार भयो भने ये मानिस शत्रु बन्न पनि बेर लाग्दैन। त्यसपछि उनीहरूको क्रोधबाट बच्न गाह्रो हुन्छ।
सिंह राशि
सिंह राशिका मानिसले कसैलाई सिधै शत्रु बनाउँदैनन् तर यदि कसैले आफ्नो भावनासँग खेल्छ भने उसलाई छोड्दैनन्। यस राशिका मानिस जसलाई आफ्नो शत्रु मान्छन् उनीहरुसँग अन्तिम साससम्म शत्रुता देखाउँछन्। यी मानिसहरू क्रोधमा जे पनि गर्छन्।
वृश्चिक राशि
यो राशिका मानिसहरु मतलबी हुन्छन्। सबैबाट आफ्नो काम निकाल्नु उनीहरूको पहिलो प्राथमिकता हुन्छ। जब तिनीहरू यो गर्न असमर्थ हुन्छन् वा यदि तिनीहरूको काममा कसैले गल्ती निकाले भने, तिनीहरू बदला लिनेछन्। यो राशिका व्यक्तिहरूसँग सीमित व्यवहार गर्नु राम्रो हुनेछ।
धनु राशि
धनु राशिका मानिसहरु आफ्नो करियर र काममा मात्र चिन्तित हुन्छन्। तर कसैसँग रिस उठ्यो भने रिसलाई दबाएर कहिल्यै पनि राख्दैनन्। तिनीहरूले सकेसम्म चाँडो बदला लिन्छन्।
