अहिले सामाजिक सञ्जालमा अभिनेत्री कट्रिना कैफ र अभिनेता विक्की कौशलको विवाहको खबरले निकै चर्चा पाइरहेको छ । त्यसै क्रम केही दिन पहिले देखि नै कट्रिना र विक्कीको विवाहको कुनै पनि तस्बिर सार्वजनिक गर्न कसैलाई पनि अनुमति नभएको बताइएको थियो ।
कट्रिना कैफ र विक्की कौशलको विवाह अहिले चर्चामा छ । विवाहको सम्पूर्ण तयारी गोप्य राखिएको छ भने सुरक्षा व्यवस्था कडा पारिएको छ । अहिले लाखौँ प्रयासपछि पनि विवाह पूर्व तयारीका केही तस्बिरहरू सामाजिक सञ्जालमा भाइरल भइरहेका छन् । डिसेम्बर ७ मा मेहेन्दी र संगीत अनुष्ठान सम्पन्न भएको छ भने डिसेम्बर ८ मा हल्दी लगाउने कार्यक्रम भएको छ ।
त्यति मात्र नभई कट्रिना र विक्की कौशलको विवाहमा आउने पाहुनालाई मोबाइल तथा कुनै अन्य सामग्रीको प्रयोग गरेर तस्बिर खिच्न तथा विवाह कार्यक्रमका कुनै पनि तस्बिर सार्वजनिक गर्न बन्देज गरिएको छ । यति हुँदा-हुँदै पनि सामाजिक सञ्जालमा अभिनेत्री तथा अभिनेताको केही तस्बिर सार्वजनिक भएका छन् । विक्की-कट्रिनाको आज हुने प्रि-वेडिङ सेलि-ब्रेशन जारी छ ।
यति बेला विक्की र कट्रिनाको कुनै पनि झलक नदेखिए पनि विक्की र कट्रिनाको विवाहमा सहभागी हुन् पुगेकीअभिनेत्री नेहा धुपियाले आफ्ना फ्यानलाई एउटा सानो ट्रीट दिएकी छिन् । नेहाले राजस्थानको सिक्स सेन्सेस फोर्ट, बरवाडाबाट आफ्नो पछिल्लो तस्बिर सेयर गरेकी छिन् । तस्बिरमा नेहासँग उनका पति आनन्द बेदी छन् । कट्रिना-विक्कीको विवाहको सजावटमा प्रायः गुलाबी रंगको प्रयोग भएको छ ।
