बलिउड अभिनेत्री ज्याकलिन र्नान्डेज समस्यामा परेकी छिन् । अभिनेत्रीसँग जोडिएको एउटा ठुलो खबर बाहिर आएको छ । ज्याकलिनलाई भारत बाहिर जान प्रतिबन्ध लगाइएको छ । वास्तवमा अभिनेत्रीका कथित ठग सुकेश चन्द्रशेखरविरुद्ध २०० करोडभन्दा बढी पैसा हिनामिना गरेको आरोप लागेको छ ।
हिजो अभिनेत्रीको फ्लाइट भएको हुँदा एअरपोर्ट पुगेकी थिइन् । मनी लान्ड्रिङको यो केस सुकेश चन्द्रशेखरसँग सम्बन्धित छ । अचम्मको कुरा सुकेशसँग ज्याकलिनको रोमान्टिक तस्बिर पनि यसै समयमा सामाजिक सञ्जालमा भाइरल भइरहेको छ ।
यस मनी लान्ड्रिङ प्रकरणको अनुसन्धान लामो समयदेखि चलिरहेको छ । यो केसको तार सुकेश चन्द्रशेखरबाट सुरु भएर ज्याकलिन र नोरासम्म पुग्यो । केही दिन पहिले, ईडीले २०० करोडको मनी लान्ड्रिंगसँग सम्बन्धित मुद्दामा ७००० पृष्ठको आरोपपत्र दायर गरेको थियो। रिपोर्टका अनुसार सुकेशले ज्याकलिनलाई धेरै महँगो उपहार दिएका थिए ।
सुकेशले ज्याकलिनलाई करिब १० करोड रुपैयाँ उपहार दिएका छन् जसमा ५२ लाखको घोडा र ९ लाखको पर्सियन बिरालो रहेको रिपोर्टले खुलासा गरेको छ । सोही क्रममा सुकेशले नोरालाई बीएमडब्लु कार र आइफोन दिएका थिए ।
