कोरोना महामारीको कारण बन्द रहेको चलचित्र क्षेत्रमा बलिउड फिल्मले ‘सूर्यवंशी, ले दर्शक ताने सँगै नेपाली फिल्मले पनि रिलिज मिति तोक्न थालेका छन् । यति बेला दक्षिण भारतका सुपरस्टार यश अभिनीत फिल्म ‘केजीएफ २’ सन २०२२ अप्रिल १४ अर्थात् बैशाख १ गतेबाट नेपाल भारत लगायतका अन्य देशमा प्रदर्शनमा आउने भएको छ ।
नेपालमा बलिउड तथा भारतको दक्षिण क्षेत्रको फिल्मको निकै लोकप्रियता रहेको छ । साथै पछिल्लो समय सामाजिक सञ्जाल युट्युबमा भारतीय फिल्म प्राय: ट्रेन्डिंगमा आउने गरेको छ । अहिले नेपाली फिल्मले हालमा दर्शक तान्न नसक्दा बलिउड फिल्म ‘सुर्यवंशी’ हालमा दर्शक तानेको छ । अहिलेको अवस्था हेर्न हो भने भन्न सकिन्छ नेपालमा भारतीय फिल्मको मोह कतिछ भनेर।
त्यसतै नेपाली फिल्म ‘ए मेरो हजुर ४’ ले आफ्नो प्रदर्शन मिति तोकेको छ । अभिनेत्री झरना थापाले निर्माण गरेको फिल्म ‘ए मेरो हजुर ४’ यही वर्षको चैत महिनाको २५ गतेबाट प्रदर्शनमा आउने भएको छ । यस फिल्ममा अहिलेको युवा पुस्ताको रोजाईमा पर्न सफल अभिनेता अनमोल केसी र सुहान थापाको अभिनय रहेको छ ।
