भदौ १८ गतेको पञ्चाङ्ग तथा राशिफल :
दिन : बुधवार
तिथि : एकादशी, ०१:३५ बजेपछि द्वादशी
नक्षत्र : पूर्वाषाढा, २१:४३ बजेपछि उत्तराषाढा
योग : आयुष्मान्, १६:०२ बजेपछि सौभाग्य
करण : वणिज, १३:१५ बजेपछि भद्रा, ०१:३५ बजेउप्रान्त वव
मेष (Aries) – चु, चे, चो, ला, लि, लु, ले, लो, अ
दिनको सुरुवातमा उत्साहजनक खबर सुन्न सकिनेछ। अनुभवी व्यक्तिबाट मार्गदर्शन पाइने सम्भावना छ। लाभका नयाँ स्रोतहरू देखा पर्न सक्छन्। साना–साना प्रलोभनमा फस्नु हानिकारक हुने हुँदा सचेत रहनुहोस्। सम्पत्तिसम्बन्धी कार्यले आत्मसन्तुष्टि दिलाउनेछ। लामो समयदेखि अल्झिएका कामहरू क्रमशः पुरा हुन थाल्नेछन्।
वृष (Taurus) – इ, उ, ए, ओ, बा, बि, बु, बे, बो
घर–परिवारमा आपसी समझदारी बढ्नेछ। कुनै अनुसन्धान वा नयाँ योजना आरम्भ गर्न उपयुक्त समय हुनेछ। व्यवसायमा इमानदारी कायम राख्नु आवश्यक छ, अन्यथा समस्या बढ्न सक्छ। कानुनी झमेलाबाट राहत पाउन सकिने योग छ। दैनिक जिम्मेवारी समयमै पुरा गर्न सकिनेछ।
मिथुन (Gemini) – का, कि, कु, घ, ङ, छ, के, को, ह
आफैंका लागि समय निकाल्नुपर्ने स्थिति आउन सक्छ। आपसी विश्वास र सहयोगले पारिवारिक सम्बन्ध मजबुत बन्नेछ। अध्ययन–अध्यापनसँग सम्बन्धित व्यक्तिहरूका लागि दिन लाभदायी छ। आम्दानीमा सुधार हुने संकेत छ। तर, छोटो मार्गबाट सफलता खोज्दा गलत निर्णय हुन सक्ने सम्भावना छ।
कर्कट (Cancer) – हि, हु, हे, हो, डा, डि, डु, डे, डो
आफ्ना विचार राख्ने अवसर प्राप्त हुनेछ। परिवारका सदस्यबाट सम्मान बढ्नेछ। प्रगतिका लागि नयाँ बाटोहरू खोज्नु पर्ने समय आएको छ। घरजग्गा कारोबार गर्नेका लागि लाभदायी दिन हुनेछ। अनावश्यक खर्चमा नियन्त्रण गर्न सके राम्रो हुनेछ।
सिंह (Leo) – मा, मि, मु, मे, मो, टा, टि, टु, टे
वरिष्ठको सल्लाहले फाइदा पुग्नेछ। काममा उच्च अधिकारीबाट प्रशंसा मिल्नेछ। रोकिएको रकम फिर्ता पाउने सम्भावना छ। खर्चमा कटौती गर्न सके आर्थिक स्थिति बलियो बन्नेछ। कार्यस्थलमा तपाईंको पक्षमा सकारात्मक परिवर्तन आउन सक्छ। ठूलो आयोजनामा साथीभाइको सहयोग लाभदायी हुनेछ।
कन्या (Virgo) – टो, प, पि, पु, ष, ण, ठ, पे, पो
पुराना साथी वा चिनेजानेकासँग भेट हुँदा मन प्रसन्न हुनेछ। जानकार व्यक्तिसँग काम गर्दा लाभ हुने सम्भावना छ। व्यवसायीका लागि सावधानीपूर्वक अघि बढ्ने समय हो। आर्थिक विवाद वा समस्या आफ्नै पक्षमा समाधान हुने योग छ।
तुला (Libra) – र, रि, रु, रे, रो, ता, ति, तु, ते
राजनीतिबाट टाढा बस्नु उपयुक्त हुनेछ। नयाँ काम गर्ने उत्साह र आत्मबल बढ्नेछ। खाद्यान्न वा उपभोग्य वस्तु व्यवसाय गर्नेका लागि राम्रो समय छ। विद्यार्थीहरूले विषय विशेषज्ञ शिक्षकको सहयोग पाउनेछन्। कसैलाई अत्यधिक विश्वास गर्दा समस्या आउन सक्छ।
वृश्चिक (Scorpio) – तो, ना, नि, नु, ने, नो, या, यि, यु
तपाईँको उदार स्वभावले वरिपरिका मानिस प्रभावित हुनेछन्। नयाँ गहना वा कीमती वस्तु खरिद गर्ने सम्भावना छ। छिटो लाभको प्रलोभनमा पारी गलत योजनामा लगानी नगर्नुहोस्। अध्ययनमा राम्रो प्रगति हुनेछ। वैवाहिक जीवनमा सन्तानको सुख प्राप्त हुनेछ।
धनु (Sagittarius) – ये, यो, भ, भि, भु, ध, फा, ढ, भे
दिन शुभ रहनेछ। आफ्नो क्षमता प्रदर्शन गर्ने अवसर प्राप्त हुनेछ। आम्दानी बढाउने राम्रा अवसरहरू आउनेछन्। सामाजिक क्षेत्रमा सक्रियता बढ्दा फाइदा हुनेछ। परिवारमा तपाईंको सकारात्मक सोचले सबैलाई प्रभावित गर्नेछ।
मकर (Capricorn) – भो, ज, जि, खि, खु, खे, खो, गा, गि
दिनको सुरुवात नयाँ आशा र आत्मविश्वासका साथ हुनेछ। घरजग्गासम्बन्धी कारोबार गर्नेका लागि छुट वा फाइदाको प्रस्ताव आउन सक्छ। व्यवसायमा ठूला परिवर्तन गर्नु अघि वरिष्ठको सुझाव लिनु उपयुक्त हुनेछ। घरमा पाहुनाको आगमनको सम्भावना छ।
कुम्भ (Aquarius) – गु, गे, गो, सा, सि, सु, से, सो, द
दैनिक जीवनशैलीमा केही सुधार ल्याउने अवसर मिल्नेछ। आफ्ना शौक वा सीप देखाउने मौका प्राप्त हुनेछ। नयाँ काम सुरु गर्न अनुकूल समय छ। आर्थिक काममा ध्यान दिए मन शान्ति पाइनेछ। तर, व्यापारसँग सम्बन्धित केही चिन्ता बढ्न सक्छ।
मीन (Pisces) – दि, दु, थ, झ, ञ, दे, दो, च, चि
सानातिना कुरामा आक्रोश देखाउँदा आफैंलाई हानी पुग्न सक्छ, त्यसैले धैर्य आवश्यक छ। केही विशेष विषयमा तपाईंको दृष्टिकोण परिवर्तन हुन सक्छ। अनलाइन वा आधुनिक व्यापार गर्नेहरूले नयाँ योजना बनाउनुपर्ने समय छ। रोकिएको योजना वा प्रोजेक्ट पुनः सुरु गर्न अनुकूल समय हो।
