काठमाडौँ : ज्योतिषीहरुका अनुसार सेप्टेम्बरमा विभिन्न ग्रहको राशि परिवर्तन हुँदैछ। ग्रहचक्रमा हुने राशि परिवर्तनको सम्पूर्ण राशिमा प्रभाव पर्नेछ। ज्योतिषीहरुका अनुसार निम्न पाँच राशिहरुलाई सेप्टेम्बर महिनाभर नकारात्मक प्रभाव मिल्नेछ।
तुला राशि
यो महिना तुला राशिका जातकले हरेक कदम धेरै सोचेर चाल्नुपर्ने देखिन्छ। महिनाको सुरुवातमै कार्यक्षेत्रमा चुनौतीपूर्ण परिस्थितिहरू आउन सक्छन्। कुनै पनि काम सफल पार्न कडा मेहनत आवश्यक हुनेछ।
ठूला योजना सुरु गर्ने सोचमा हुनुहुन्छ भने केही समय प्रतीक्षा गर्नु उपयुक्त हुनेछ। विद्यार्थी तथा शिक्षा क्षेत्रसँग सम्बन्धित व्यक्तिहरूका लागि पनि समय अनुकूल छैन। दाम्पत्य जीवनमा वाद–विवादको सम्भावना छ। महिनाको अन्त्यतिर स्वास्थ्य र भविष्य सम्बन्धी चिन्ताले मन अशान्त हुन सक्छ।
धनु राशि
धनु राशिका लागि यो महिना आलस्य र मानसिक तनाबले प्रभावित बनाउने देखिन्छ। कार्यक्षेत्रमा विशेष सावधानी आवश्यक हुनेछ। प्रतिस्पर्धी वा शत्रुहरू सक्रिय रहने भएकाले सानो गल्तीले पनि प्रतिष्ठामा असर पर्न सक्छ।
अनावश्यक खर्च बढ्दा आर्थिक दबाब महसुस हुन सक्छ। यद्यपि जीवनसाथीको सहयोगले कठिनाइमा सहारा मिल्नेछ। विद्यार्थी वा शिक्षा क्षेत्रमा लागेकाहरूले अपेक्षित सफलता नपाउने सम्भावना छ।
मकर राशि
मकर राशिका मानिसका लागि यो महिना जिम्मेवारी र कामको बोझ बढ्ने समय हुनेछ। सुरुका दिनमै आर्थिक समस्या वा खर्चको दबाब महसुस हुन सक्छ, त्यसैले खर्चमा नियन्त्रण गर्न आवश्यक छ।
प्रतिद्वन्द्वीहरू सक्रिय भएर अवरोध पुर्याउने प्रयास गर्नेछन्। वित्तीय लेनदेनका मामिलामा सावधानी नअपनाए घाटा व्यहोर्नुपर्ने स्थिति आउन सक्छ। प्रेम सम्बन्धमा पनि असहमति वा विवाद हुने संकेत छन्। पारिवारिक माहोल अपेक्षित रूपमा सहज नहुन सक्छ।
कुम्भ राशि
कुम्भ राशिका जातकले यस महिनामा आफ्नो परिश्रममा भरोसा गर्नुपर्नेछ, भाग्यको भरमा बस्दा नोक्सान हुनसक्छ। कुनै पनि योजना राम्रोसँग विचार गरेर अघि बढाउनु आवश्यक छ। कार्यस्थलमा विरोधी वा प्रतिस्पर्धी देखा पर्न सक्छन्, तर तपाईं उनीहरूलाई सामना गर्न सक्षम हुनुहुनेछ।
साथी वा परिचितबाट सहयोगको आशा नगरे उत्तम हुनेछ। प्रतिष्ठामा धक्का पुग्ने सम्भावना छ। प्रेम सम्बन्धमा पनि असहजता आउन सक्छ। आकस्मिक लामो यात्रा गर्नुपर्ने सम्भावना छ, स्वास्थ्यमा विशेष ध्यान दिनु आवश्यक छ।
मीन राशि
मीन राशिका लागि यो महिना संयमको महत्त्वपूर्ण रहनेछ। बोली वा क्रोधमा नियन्त्रण नगरे बनेको काम पनि बिग्रन सक्छ। विपरीत लिंगीप्रति आकर्षण बढ्नेछ र प्रियजनसँगको भेटघाटले मन प्रसन्न हुनेछ।
तर महिनाको अन्त्यतिर प्रियजनको स्वास्थ्य चिन्ताको कारण बन्न सक्छ। आर्थिक दबाबको सामना गर्नुपर्ने सम्भावना छ, त्यसैले अनावश्यक खर्चबाट जोगिनुपर्छ। जग्गा–जमिन वा सम्पत्ति सम्बन्धी विवादमा फस्ने योग पनि देखिन्छ, त्यसैले सचेत रहन आवश्यक छ।
