साउन ३० गतेको पञ्चाङ्ग
दिन : शुक्रवार
तिथि : सप्तमी, ०१:०६ बजेपछि अष्टमी
नक्षत्र : अश्विनी, ०९:५५ बजेपछि भरणी
योग : गण्ड, १३:२३ बजेपछि वृद्धि
करण : भद्रा, १४:२० बजेपछि वव, ०१:०६ बजेउप्रान्त वालव
मेष राशि – चु, चे, चो, ला, लि, लु, ले, लो, अ (Aries)
तपाईंको मन चञ्चल रहन सक्छ, जसका कारण निर्णय लिनमा कठिनाइ हुनेछ। महत्वपूर्ण कार्य पूरा गर्न ढिला वा असम्भव हुन सक्छ। प्रतिस्पर्धीको चुनौती सामना गर्नुपर्ने समय छ। यद्यपि, नयाँ काम गर्ने इच्छा जाग्नेछ र तपाईं बौद्धिक वा तार्किक बहसमा सहभागी हुन सक्नुहुन्छ।
वृष राशि – इ, उ, ए, ओ, बा, बि, बु, बे, बो (Taurus)
काम गर्दा पूर्ण स्थिरता अपनाउनुहोस्। यात्रा योजनाहरू सफल नहुन सक्छन्। दाजुभाइबाट मायाँ र समर्थन प्राप्त हुनेछ। कलाकार, कारीगर र लेखकका लागि आफ्नो सीप देखाउने राम्रो मौका मिल्नेछ। स्वास्थ्य सामान्यतया राम्रो रहनेछ र प्रतिस्पर्धामा विजय पाउन सकिनेछ।
मिथुन राशि – का, कि, कु, घ, ङ, छ, के, को, ह (Gemini)
आर्थिक लाभको संकेत छ। तपाईंलाई शारीरिक र मानसिक ताजगीको अनुभूति हुनेछ। परिवार तथा साथीहरूसँग समय रमाइलो बित्नेछ। आर्थिक सुधारको सम्भावना छ। तर, मनमा आउने नकारात्मक विचारहरू हटाउन प्रयास गर्नुहोस्।
कर्कट राशि – हि, हु, हे, हो, डा, डि, डु, डे, डो (Cancer)
मनमा उदासी र भयको अनुभव हुन सक्छ। परिवारभित्र मतभेदका कारण वातावरण तनावपूर्ण बन्न सक्छ। बोलीमा संयमता अपनाउनुहोस् र स्वास्थ्यमा ध्यान दिनुहोस्। खर्च बढ्ने सम्भावना छ र मानहानिको जोखिम रहन सक्छ, त्यसैले सतर्क रहनुहोस्।
सिंह राशि – मा, मि, मु, मे, मो, टा, टि, टु, टे (Leo)
व्यापारमा लाभ र आम्दानी वृद्धि हुनेछ। स्वादिष्ट भोजनको अवसर मिल्नेछ। साथीहरूसँग रमाइलो स्थानमा समय बिताउने सम्भावना छ। महिला मित्रबाट विशेष सहयोग प्राप्त हुनेछ र छोरासँग भेट हुन सक्छ। कुनै शुभ घटना घट्न सक्छ, दाम्पत्य जीवनमा सुमधुरता रहनेछ।
कन्या राशि – टो, प, पि, पु, ष, ण, ठ, पे, पो (Virgo)
नयाँ योजनाहरू सफलतापूर्वक पूरा हुनेछन्। जागिरे र व्यवसायी दुवैका लागि लाभदायक हुनेछ। वरिष्ठको कृपा प्राप्त हुनेछ र पदोन्नतिको अवसर पनि मिल्न सक्छ। पितापक्षबाट लाभ हुनेछ। स्वास्थ्य राम्रो र पारिवारिक वातावरण खुशनुमा रहनेछ।
तुला राशि – र, रि, रु, रे, रो, ता, ति, तु, ते (Libra)
तपाईं नयाँ कार्य प्रारम्भ गर्ने सोचमा रहनुहुन्छ। साहित्यिक तथा बौद्धिक क्रियाकलापमा सक्रिय बन्न सक्नुहुन्छ। तीर्थयात्राको अवसर प्राप्त हुन सक्छ। विदेशमा रहेका आफन्त वा साथीको समाचारले मन प्रसन्न हुनेछ। तर, सहकर्मीको सहयोग कम रहन सक्छ र सन्तान सम्बन्धी चिन्ता बढ्न सक्छ।
वृश्चिक राशि – तो, ना, नि, नु, ने, नो, या, यि, यु (Scorpio)
स्वास्थ्यमा विशेष ध्यान दिनुपर्ने दिन हो। खोकी, श्वासप्रश्वास वा पेटसम्बन्धी समस्या हुन सक्छ। मानसिक रूपमा असन्तुलित महसुस हुन सक्छ, त्यसैले रिसलाई नियन्त्रण गर्नुहोस्। अनैतिक वा कानूनविरुद्धका गतिविधिबाट टाढै रहनुहोस्। खर्च बढी हुने सम्भावना छ।
धनु राशि – ये, यो, भ, भि, भु, ध, फा, ढ, भे (Sagittarius)
दिन सुखद र शान्तिपूर्ण हुनेछ। स्वादिष्ट खानेकुरा र नयाँ वस्त्र प्राप्त हुने सम्भावना छ। विपरीत लिङ्गतर्फ आकर्षण बढ्न सक्छ र रोमान्चक भेटघाट हुन सक्छ। विचारहरू स्थिर नहुन सक्छन्, तर सामाजिक जीवनमा सम्मान प्राप्त हुनेछ। दाम्पत्य सम्बन्ध मधुर रहनेछ।
मकर राशि – भो, ज, जि, खि, खु, खे, खो, गा, गि (Capricorn)
स्वास्थ्य सन्तोषजनक रहनेछ। परिवारसँग रमाइलो समय बिताउन पाउनुहुनेछ। व्यवसाय विस्तारका लागि दिन लाभदायक छ। आर्थिक लाभको सम्भावना छ। सहकर्मीको समर्थन पाउनुहुनेछ र प्रतिस्पर्धामा सफलता मिल्नेछ।
कुम्भ राशि – गु, गे, गो, सा, सि, सु, से, सो, द (Aquarius)
दिन सामान्यतया राम्रो रहनेछ, तर विचारमा अस्थिरता आउन सक्छ, जसका कारण महत्वपूर्ण निर्णय स्थगित गर्नु उपयुक्त हुन्छ। यात्रामा असुविधा हुन सक्छ। तोकिएको काम पूरा नहुँदा निराशा बढ्न सक्छ। सन्तानको स्वास्थ्य वा पढाइमा चिन्ता उत्पन्न हुन सक्छ।
मीन राशि – दि, दु, थ, झ, ञ, दे, दो, च, चि (Pisces)
तपाईंको दिनमा उत्साह र ऊर्जा कमी हुन सक्छ। आमाको स्वास्थ्य बिग्रन सक्ने संकेत छ। आफन्त वा साथीहरूसँग विवाद हुन सक्छ। प्रतिकूल परिस्थितिका कारण शारीरिक तथा मानसिक स्वास्थ्यमा असर पर्न सक्छ। महिलासँग वा पानीसँग सम्बन्धित जोखिमबाट सावधान रहनुहोस्।
