काठमाडौँ : वैदिक ज्योतिष शास्त्रमा कुल १२ राशिको वर्णन गरिएको छ। हरेक राशिको स्वामी ग्रह हुन्छ। ग्रह-नक्षत्रको चालबाट राशिफलको आँकलन गरिन्छ। वि.सं.२०८२ साउन १३ गते मङ्गलबार हो। मङ्गलबारको दिन कुन राशिका जातकलाई लाभ हुनेछ र कुन राशिका व्यक्तिहरु सजग रहनुपर्नेछ त ? पढ्नुहोस् मेष देखि मीनसम्मको राशिफल : –
साउन १३ गतेको पञ्चाङ्ग तथा राशिफल :
दिन : मंगलवार
तिथि : पञ्चमी, २४:५१ बजेपछि षष्ठी
नक्षत्र : उत्तरफाल्गुनी, २०:४१ बजेपछि हस्त
योग : शिव, ०५:०७ बजेपछि सिद्ध
करण : वव, १२:१८ बजेपछि वालव, २४:५१ बजेउप्रान्त कौलव
• मेष राशि (चु, चे, चो, ला, लि, लु, ले, लो, अ) –
मानसिक रूपले केही व्यग्रता र भावनात्मक उतारचढाव अनुभव हुन सक्छ। सोच र संवेदनशीलता बढ्नेछ, जसले व्यवहारमा प्रभाव पार्न सक्छ। कसैसँग विवादमा नउत्रनुहोस्, नत्र मन खिन्न हुन सक्छ। आफन्त वा साथीभाइसँग मनमुटावको सम्भावना छ। मानहानी हुने स्थिति भने देखा पर्दैन। नयाँ योजना सुरु नगर्नु राम्रो हुन्छ। जीवनसाथीको स्वास्थ्यमा चिन्ता रहने सम्भावना छ।
• वृष राशि (इ, उ, ए, ओ, बा, बि, बु, बे, बो) –
आर्थिक योजना केही अड्चनपछि पुरा हुने संकेत छ। शुभचिन्तक र साथीहरूसँग भेटघाट हुनेछ। व्यवसायमा प्रतिस्पर्धा बढ्न सक्छ। शारीरिक र मानसिक रूपले स्वस्थ महसुस गर्नुहुनेछ। लगानी गर्दा सोचविचार गरेर मात्र गर्नुहोस्। नयाँ कामको सुरुवातका लागि समय शुभ रहनेछ।
• मिथुन राशि (का, कि, कु, घ, ङ, छ, के, को, ह) –
दिनको सुरुवात उत्साह र स्वास्थ्यदायी हुनेछ। परिवार र साथीहरूसँग रमाइलो समय बित्नेछ। खर्च बढी नहोस् भनेर ध्यान दिनुहोला। आर्थिक लाभ हुने संकेत छ। मध्यान्नपछि नयाँ आर्थिक योजना सुरु गर्ने सम्भावना छ। लगानी सोचविचार गरेर मात्र गर्नुहोस्।
• कर्कट राशि (हि, हु, हे, हो, डा, डि, डु, डे, डो) –
खर्च बढ्न सक्छ र आँखासम्बन्धी समस्या देखापर्न सक्छ। मानसिक तनाव बढ्न सक्छ, बोली र व्यवहारमा संयम राख्नुहोस्। मध्यान्नपछि परिस्थिति सुधार हुँदै जानेछ। आर्थिक लाभ हुने छ। स्वास्थ्यमा पनि क्रमिक सुधार देखिनेछ। पारिवारिक वातावरण सुखद रहनेछ।
• सिंह राशि (मा, मि, मु, मे, मो, टा, टि, टु, टे) –
क्रोध र आवेशले व्यवहारमा असर पर्न सक्छ। स्वास्थ्य सामान्य रहनेछ, तर मनमा बेचैनी रहन सक्छ। परिवारसँग सम्बन्धमा चिसोपन आउने सम्भावना छ। मध्यान्नपछि मन हलुका हुँदै जानेछ। खानपानमा रमाइलो प्रसंग बन्नेछ। समग्रमा दिन सकारात्मक रहन सक्छ।
• कन्या राशि (टो, प, पि, पु, ष, ण, ठ, पे, पो) –
दिन खुशी र लाभदायक रहनेछ। व्यवसायमा प्रगति हुनेछ। सामाजिक प्रतिष्ठा बढ्नेछ। परिवारमा उत्सवजस्तो वातावरण बन्नेछ। यद्यपि मध्यान्नपछि केही असहजता आउन सक्छ। मनमा निराशा आउन सक्छ, तर स्वास्थ्य राम्रो रहनेछ। ध्यान र आध्यात्मिक गतिविधिमा मन लगाउनु शुभ हुनेछ।
• तुला राशि (र, रि, रु, रे, रो, ता, ति, तु, ते) –
शारीरिक र मानसिक रूपमा ऊर्जा उच्च रहनेछ। व्यवसायमा उत्साहपूर्वक काम गर्ने प्रेरणा मिल्नेछ। पदोन्नतिको योग छ। सरकारी काम सरल रूपमा अघि बढ्नेछ। सामाजिक क्षेत्रमा सम्मान र प्रतिष्ठा बढ्नेछ। लगानीका लागि समय उपयुक्त छैन। परिवारबाट साथ र सन्तुष्टि प्राप्त हुनेछ।
• वृश्चिक राशि (तो, ना, नि, नु, ने, नो, या, यि, यु) –
विरोधी र प्रतिस्पर्धीसँग झगडा नगर्नुहोस्। व्यवसायिक अवस्था केही कमजोर देखिन्छ। सन्तानसँग मतभेदको सम्भावना छ। मध्यान्नपछि कार्यक्षेत्रमा वरिष्ठको व्यवहार नकारात्मक हुन सक्छ। सन्तानको बारेमा चिन्ता बढ्नेछ। तर, घरपरिवारमा भने सन्तोषजनक वातावरण रहनेछ।
• धनु राशि (ये, यो, भ, भि, भु, ध, फा, ढ, भे) –
क्रोध नियन्त्रण गर्नुहोस्, नत्र हानि हुन सक्छ। मानसिक र शारीरिक थकानको अनुभूति हुन सक्छ। कामकाजमा उच्च अधिकारीको व्यवहार असहयोगी रहन सक्छ। सन्तानसम्बन्धी चिन्ता सताउन सक्छ। विरोधी र प्रतिस्पर्धीसँग दूरी राख्नु नै बुद्धिमानी हुनेछ। महत्वपूर्ण निर्णयमा ढिलाइ गर्नुहोस्।
• मकर राशि (भो, ज, जि, खि, खु, खे, खो, गा, गि) –
आफन्तसँग घुमफिरको अवसर मिल्नेछ। मान-सम्मान प्राप्त हुने सम्भावना छ। मध्यान्नपछि भने स्वास्थ्यमा गिरावट आउन सक्छ। खर्च अत्यधिक हुनसक्छ। क्रोधमा वृद्धि हुन सक्छ। परिवार र सहकर्मीहरूका साथ मतभेद सिर्जना हुन सक्छ। नकारात्मक सोचबाट टाढा रहनुहोला।
• कुम्भ राशि (गु, गे, गो, सा, सि, सु, से, सो, द) –
तपाईंको कार्यमा सफलता र यश प्राप्त हुनेछ। स्वास्थ्य राम्रो रहनेछ। सामाजिक प्रतिष्ठामा वृद्धि देखिनेछ। मध्यान्नपछि मनोरञ्जनात्मक कार्यक्रमहरूमा सहभागी हुने अवसर प्राप्त हुनेछ।
• मीन राशि (दि, दु, थ, झ, ञ, दे, दो, च, चि) –
दिन रमाइलो र शुभ रहनेछ। कलात्मक अभिरुचि बढ्नेछ। साथीसँगको भेटघाट रमाइलो हुनेछ। विद्यार्थीहरूका लागि राम्रो समय छ। प्रेम सम्बन्धमा पनि खुशी मिल्नेछ। घरमा सुख–शान्ति कायम रहनेछ। मध्यान्नपछि आर्थिक लाभको सम्भावना छ। यद्यपि, स्वभावमा क्रोधको मात्रा बढ्न सक्छ, संयमित रहनुहोला।
