साउन ८ गतेको पञ्चाङ्ग र राशिफल :
दिन : बिहीवार
तिथि : औंसी, २४:५३ बजेपछि प्रतिपदा
नक्षत्र : पुनर्वशु, १७:४३ बजेपछि तिष्य
योग : हर्षण, ११:३० बजेपछि वज्र
करण : चतुष्पद, १३:३२ बजेपछि नाग, २४:५३ बजेउप्रान्त किंस्तुघ्न
• मेष राशि – चु, चे, चो, ला, लि, लु, ले, लो, अ (Aries):
खर्च बिना कुनै पनि कार्य अघि बढ्न गाह्रो हुनेछ। यो समयमा बचत सम्भव देखिँदैन। पढाइ र लेखाइ दुवैमा सन्तोषजनक प्रगति हुनेछ। आम्दानीको मुख्य आधार व्यवसाय नै रहनेछ। पारिवारिक साथ कम मिल्न सक्छ भने साना विवादको सम्भावना रहन्छ।
• वृष राशि – इ, उ, ए, ओ, बा, बि, बु, बे, बो (Taurus):
प्रतिष्ठा र मानको दृष्टिले उल्लेखनीय उपलब्धि नदेखिए पनि आर्थिक पक्ष मजबुत देखिन्छ। तपाईंले सिकेको सीपले राम्रो फाइदा दिनेछ। साथीहरू सहयोगी र भरपर्दा हुनेछन्। पढाइ लेखाइमा उल्लेखनीय सुधारको संकेत छ।
• मिथुन राशि – का, कि, कु, घ, ङ, छ, के, को, ह (Gemini):
केही चुनौतीपूर्ण हुन सक्छ। मनमा निराशा र असन्तोष भरिन सक्छ। कार्यक्षेत्रमा असहजता र झन्झट बढ्न सक्छ। व्यापारजन्य कार्यमा समय खर्च होला र दौडधूप गर्नुपर्ने स्थिति आउन सक्छ।
• कर्कट राशि – हि, हु, हे, हो, डा, डि, डु, डे, डो (Cancer):
खर्च घट्ने सम्भावना छैन, तर प्रयास गरेका काम सफलतापूर्वक सम्पन्न हुनेछन्। धार्मिक वा सामाजिक कार्यमा खर्च हुन सक्छ। साथीहरूबाट सकारात्मक सहयोग प्राप्त हुनेछ। पारिवारिक वातावरण पनि सहज र सुखद रहला।
• सिंह राशि – मा, मि, मु, मे, मो, टा, टि, टु, टे (Leo):
मनमा अलिकति डर वा अन्योलता भइरहन सक्छ, तर गम्भीर संकट भने छैन। कूटनीतिक छलफलमा कमजोरी देखिन सक्छ। बौद्धिक क्षमताको राम्रो प्रयोग हुनेछ। पढाइमा सन्तोषजनक सुधार आउनेछ। सानातिना समस्या आउन सक्छ।
• कन्या राशि – टो, प, पि, पु, ष, ण, ठ, पे, पो (Virgo):
खर्च नियन्त्रणबाहिर जान सक्छ। परिवारको आवश्यकता पूरा गर्न बढी खर्च गर्नुपर्नेछ। बोली विचार गरेर प्रयोग गर्नु राम्रो हुनेछ। व्यवसायमा हाल सुधारको संकेत छैन। धार्मिक आस्था र नारायणको दर्शन लाभदायक हुनेछ।
• तुला राशि – र, रि, रु, रे, रो, ता, ति, तु, ते (Libra):
सुरुमा स्वास्थ्यसम्बन्धी सामान्य समस्या देखिन सक्छ तर सजिलो उपायले समाधान सम्भव छ। अध्ययन क्षेत्रमा राम्रो प्रगति हुनेछ। साथीहरूको साथ राम्रो पाइन सक्छ। प्राविधिक कार्यमा सानो लाभको अवसर देखिन्छ।
• वृश्चिक राशि – तो, ना, नि, नु, ने, नो, या, यि, यु (Scorpio):
मनमा हल्का चिन्ता उत्पन्न भए पनि ठूलो क्षति हुने सम्भावना छैन। शिवजीको आराधनाले मानसिक सान्त्वना मिल्नेछ। पढाइ सामान्य रहनेछ। परिवारको सहयोगमा केही उपलब्धि हासिल हुने सम्भावना छ।
• धनु राशि – ये, यो, भ, भि, भु, ध, फा, ढ, भे (Sagittarius):
दिन सामान्य खालको रहनेछ। मनमा केही डर वा शङ्का भइरहे पनि काम बिग्रिने समय होइन। आर्थिक पक्ष सशक्त हुनेछ। व्यापार व्यवसायमा बढी लाभ मिल्नेछ। नित्य सूर्य दर्शन र पीपलको पूजा लाभदायक हुनेछ।
• मकर राशि – भो, ज, जि, खि, खु, खे, खो, गा, गि (Capricorn):
दिन त्यति खराब छैन। प्रियजनहरूसँग भेटघाट र भोजको अवसर मिल्न सक्छ। आर्थिक पक्ष सन्तोषजनक रहला। पारिवारिक सम्बन्ध पनि खुशीदायक हुनेछ। यात्रा गर्ने सम्भावना भए पनि कार्यान्वयनमा समस्या आउन सक्छ।
• कुम्भ राशि – गु, गे, गो, सा, सि, सु, से, सो, द (Aquarius):
भोज र जमघटमा खर्च बढ्नेछ। संचित धन खर्च गर्नु पर्ने स्थिति आउन सक्छ। साथीहरूको साथ कम अनुभव हुन सक्छ। तपाईंको मिहिनेतको पर्याप्त मूल्यांकन नहुन सक्छ। अध्ययनमा मध्यम प्रगति हुनेछ। व्यापारबाट केही लाभ मिल्नेछ।
• मीन राशि – दि, दु, थ, झ, ञ, दे, दो, च, चि (Pisces):
फाइदाको तुलनामा खर्च बढी हुनेछ जसले मानसिक तनाव ल्याउन सक्छ। सहयोग गर्नेहरू कम मात्र देखिन्छन्। पढाइभन्दा अन्य काममै समय बित्न सक्छ। बोलेका कुरा पूरा गर्न गाह्रो पर्नेछ। नियमित भगवती दर्शन र नारायणको पूजापाठले शान्ति दिनेछ।
