असार १६ गतेको पञ्चाङ्ग तथा राशिफल :
दिन : सोमवार
तिथि : पञ्चमी, ११:५७ बजेपछि षष्ठी
नक्षत्र : मघा, १०:२७ बजेपछि पूर्वफाल्गुनी
योग : सिद्धि, २०:४९ बजेपछि व्यतीपात
करण : वालव, ११:५७ बजेपछि कौलव, २४:०९ बजेउप्रान्त तैतिल
मेष राशि – चु, चे, चो, ला, लि, लु, ले, लो, अ (Aries)
दिन आर्थिक र व्यावसायिक दृष्टिले फलदायी रहनेछ। आम्दानीका नयाँ अवसरहरू देखा पर्नेछन्। लामो समयदेखि अड्किएको कुनै योजना पूरा हुने सम्भावना छ। स्वास्थ्य राम्रो रहनेछ भने पारिवारिक र मित्रजनसँग रमाइलो समय बित्नेछ। सामाजिक सम्पर्क पनि बढ्नेछ।
वृष राशि – इ, उ, ए, ओ, बा, बि, बु, बे, बो (Taurus)
तपाईंको बोलीमा मिठास हुनेछ र सोचमा गहिराइ देखिनेछ। बौद्धिक बहस वा वादविवादमा सफलता मिल्नेछ। विद्यार्थीहरूका लागि लाभदायक समय छ। तर, पेटसम्बन्धी समस्या देखिन सक्छ, खानपानमा ध्यान दिनुहोस्।
मिथुन राशि – का, कि, कु, घ, ङ, छ, के, को, ह (Gemini)
महत्त्वपूर्ण निर्णय गर्दा अन्योलता अनुभव हुन सक्छ। आमाको स्वास्थ्य वा महिलासम्बन्धी विषयमा संवेदनशील बन्नु पर्नेछ। विचारहरूको भीडले मानसिक थकान दिन सक्छ। अनिद्राको सम्भावना रहन सक्छ, तरल पदार्थहरूबाट सावधानी अपनाउनुहोस्।
कर्कट राशि – हि, हु, हे, हो, डा, डि, डु, डे, डो (Cancer)
नयाँ काम सुरु गर्न र हालको कार्यमा सफलता पाउन अनुकूल समय छ। आफन्त र साथीहरूसँग भेटघाटले मन प्रफुल्ल बनाउनेछ। छोटो दूरीको यात्रा हुने सम्भावना छ। आर्थिक लाभ हुनेछ र समाजमा सम्मान प्राप्त हुने योग छ। प्रेम सम्बन्धमा गहिरो निकटता आउन सक्छ।
सिंह राशि – मा, मि, मु, मे, मो, टा, टि, टु, टे (Leo)
टाढा रहेका आफन्त वा साथीहरूसँग सम्पर्कमा रहेर लाभ मिल्नेछ। पारिवारिक वातावरण सुखद रहनेछ। स्वादिलो भोजनको आनन्द लिनुहुनेछ। निर्धारित कार्यहरूमा सफलता मिल्नेछ। महिला मित्रको सहयोग उपयोगी हुनेछ।
कन्या राशि – टो, प, पि, पु, ष, ण, ठ, पे, पो (Virgo)
विचारशीलता र मनमोहक भाषणशैलीबाट फाइदा हुनेछ। व्यवसायिक क्षेत्रमा उन्नति देखिन्छ। आफन्तसँग मिलन र रमाइलो समय बित्नेछ। स्वास्थ्य राम्रो रहनेछ। धन लाभ र सयर-सम्पर्कको योग पनि देखिन्छ।
तुला राशि – र, रि, रु, रे, रो, ता, ति, तु, ते (Libra)
बोलि र व्यवहारमा संयम अपनाउनु आवश्यक छ। नजिकका व्यक्तिसँग वादविवादको सम्भावना छ। आम्दानीभन्दा खर्च बढ्न सक्छ। मानसिक अस्थिरता र अन्योलता रहन सक्छ। स्वास्थ्यमा विशेष ध्यान दिनुहोला।
वृश्चिक राशि – तो, ना, नि, नु, ने, नो, या, यि, यु (Scorpio)
घरपरिवारमा सुख र सन्तोषको अनुभूति हुनेछ। जीवनसाथी वा सन्तानबाट सुखद समाचार प्राप्त हुनेछ। कुनै मांगलिक कार्यको सम्भावना छ। पेशागत जीवनमा अवसर प्राप्त भई आम्दानी बढ्नेछ। वरिष्ठको सहयोगबाट प्रगति सम्भव छ।
धनु राशि – ये, यो, भ, भि, भु, ध, फा, ढ, भे (Sagittarius)
दिन आर्थिक योजना र व्यापार विस्तारका लागि अनुकूल रहनेछ। मनोरञ्जन र रमाइलोमा दिन बित्नेछ। कार्यक्षेत्रमा पदोन्नति र सम्मान प्राप्त हुने योग छ। परोपकारी भावना पनि बढ्नेछ।
मकर राशि – भो, ज, जि, खि, खु, खे, खो, गा, गि (Capricorn)
दिन मिश्रित फल दिनेछ। व्यवसाय वा अध्ययनमा नयाँ विचार प्रयोग गर्न सकिने समय हो। लेखन वा साहित्यिक क्षेत्रमा सिर्जनात्मकता देखिनेछ। मनमा केही असन्तोष रहन सक्छ। सन्तानको स्वास्थ्यले चिन्ता दिन सक्छ।
कुम्भ राशि – गु, गे, गो, सा, सि, सु, से, सो, द (Aquarius)
नकारात्मक सोचले मनमा निराशा ल्याउन सक्छ। खर्च बढ्नेछ र स्वास्थ्यमा कमजोरी देखिन सक्छ। परिवारमा तिक्तता आउन सक्छ, बोली र व्यवहारमा ध्यान दिनुहोला। आध्यात्मिक अभ्यास र प्रार्थनाले मनलाई शान्त पार्नेछ।
मीन राशि – दि, दु, थ, झ, ञ, दे, दो, च, चि (Pisces)
दिन सुखद र शान्तिपूर्ण रहनेछ। जीवनसाथीसँग सम्बन्ध अझ बलियो बन्नेछ। सामाजिक क्षेत्रमा प्रतिष्ठा प्राप्त हुनेछ। वैवाहिक जीवन रमाइलो हुनेछ। आफन्त र प्रेमीसँग मिलन र रोमान्सको अवसर प्राप्त हुनेछ।
