असार २ गतेको पञ्चाङ्ग तथा राशिफल :
दिन : सोमवार
तिथि : पञ्चमी, १३:३३ बजेपछि षष्ठी
नक्षत्र : धनिष्ठा, २३:४३ बजेपछि शतभिषा
योग : वैधृति, १०:३० बजेपछि विष्कम्भ
करण : तैतिल, १३:३३ बजेपछि गर, २४:५८ बजेउप्रान्त वणिज
मेष राशि (चु, चे, चो, ला, लि, लु, ले, लो, अ)
यस दिन तपाईं हरेक कार्यमा उत्साह र उमंगले भरिनुहुनेछ। तन-मन दुवै ताजा अनुभवले भरिपूर्ण हुनेछ। पारिवारिक वातावरण खुसीमय रहनेछ भने साथीभाइसँग रमाइलो समय बित्नेछ। आमाको पक्षबाट केही लाभ मिल्ने संकेत छ। धन लाभ, स्वादिष्ट भोजन र उपहारहरूले तपाईंको मन प्रफुल्ल बनाउनेछन्।
वृष राशि (इ, उ, ए, ओ, बा, बि, बु, बे, बो)
मनोभावमा चञ्चलता र चिढचिढाहट देखिन सक्छ। शरीरले पनि सघाउँदैन, जसले गर्दा थकान महसुस हुन सक्छ। घरपरिवारको जिम्मेवारी र खर्चबारे चिन्ता रहनेछ। वाणीमा कठोरता आउनसक्छ, जसले गलतफहमी र विवाद निम्त्याउन सक्छ। कुनै पनि नकारात्मक धारणा बनाउनुअघि सोचविचार गर्नुहोला।
मिथुन राशि (का, कि, कु, घ, ङ, छ, के, को, ह)
परिवारमा खुसीको वातावरण रहला र पेशागत क्षेत्रमा लाभको खबर सुन्न पाइनेछ। तपाईंका कार्यको सराहना उच्च अधिकारीहरूले गर्नेछन्। विवाह योग पनि बलियो देखिन्छ, र महिला मित्रबाट सहयोग मिल्नेछ। आम्दानीमा वृद्धिका साथै दाम्पत्य जीवनमा आनन्द र समझदारी बढ्नेछ।
कर्कट राशि (हि, हु, हे, हो, डा, डि, डु, डे, डो)
तपाईले घरको सौन्दर्यमा ध्यान दिनुहुनेछ। नयाँ सजावटी वस्तु खरिदको सम्भावना छ। व्यापार वा जागिरमा लाभदायक अवसर प्राप्त हुनेछ, साथै पदोन्नतिको संकेत पनि देखिन्छ। पारिवारिक वातावरण शान्तिपूर्ण रहनेछ। सरकारी लाभ पनि मिल्नसक्छ। हरेक काम सहजताका साथ सम्पन्न हुनेछ।
सिंह राशि (मा, मि, मु, मे, मो, टा, टि, टु, टे)
उग्रता र क्रोधले तपाईको स्वभाव प्रभावित पार्न सक्छ, जसले कार्यमा मन नलाग्ने अवस्था ल्याउन सक्छ। अनावश्यक झगडाको केन्द्र बन्न सक्नुहुन्छ। आफ्नो स्वास्थ्यप्रति लापरवाही नगर्नुहोस्। धार्मिक यात्रा गर्न सकिने समय हो, तर हतारको निर्णय गर्दा घाटा हुन सक्छ।
कन्या राशि (टो, प, पि, पु, ष, ण, ठ, पे, पो)
नयाँ काम थालनीका लागि दिन अनुकुल छैन। बाहिरी खानपानले स्वास्थ्यमा असर पार्न सक्छ। क्रोध नियन्त्रण गर्न मौन रहनु नै उचित हुनेछ। अनावश्यक खर्च बढ्ने संकेत देखिन्छ। आगो वा पानीजस्ता तत्त्वबाट सजग रहनुहोला। अवैध वा सरकार-विरोधी गतिविधिबाट टाढा रहनु नै उत्तम हुनेछ।
तुला राशि (र, रि, रु, रे, रो, ता, ति, तु, ते)
दिन तपाई प्रेम र मनोरञ्जनमा रमाउने सम्भावना छ। सार्वजनिक जीवनमा तपाईंको पहिचान र मान सम्मान बढ्नेछ। साझेदारसँग लाभदायक छलफल हुनसक्छ। सुन्दर वस्त्र वा गहनाको खरिद हुनसक्छ। शारीरिक र मानसिक दुवै स्वास्थ्य सन्तोषजनक रहनेछ।
वृश्चिक राशि (तो, ना, नि, नु, ने, नो, या, यि, यु)
घरमा रमाइलो र सन्तोषजनक समय बित्नेछ। उत्साह र सकारात्मक ऊर्जाले भरिनुहुनेछ, जसले कार्यक्षेत्रमा उत्कृष्ट नतिजा ल्याउनेछ। अधुरा कार्यहरू पूरा हुनेछन्। सहकर्मीहरूको सहयोग मिल्नेछ। देवी लक्ष्मीको कृपाले खर्च व्यवस्थापन सहज हुनेछ।
धनु राशि (ये, यो, भ, भि, भु, ध, फा, ढ, भे)
यात्राको लागि टार्नु उपयुक्त हुनेछ। कार्यमा अवरोध वा असफलता देखिन सक्छ, जसले निराशा ल्याउन सक्छ। पेटसम्बन्धी समस्याले पनि सताउन सक्छ। विवाद वा बहसमा नपर्नु नै ठीक हुनेछ। सन्तानसँग सम्बन्धित मामिलामा चिन्ता उत्पन्न हुन सक्छ। तर, धन प्राप्तिका लागि समय अनुकूल छ।
मकर राशि (भो, ज, जि, खि, खु, खे, खो, गा, गि)
परिवारभित्रको विवादले मानसिक अशान्ति निम्त्याउनेछ। आमाको स्वास्थ्यमा गिरावट आउन सक्छ। सार्वजनिक रूपमा प्रतिष्ठामा असर पर्ने सम्भावना छ। पर्याप्त विश्राम नपाउँदा थकान र स्वास्थ्य समस्या देखिन सक्छ। महिला मित्रबाट हानि हुने सम्भावना छ, त्यसैले सचेत रहनुहोला।
कुम्भ राशि (गु, गे, गो, सा, सि, सु, से, सो, द)
मनमा राहत र सहजता महसुस हुनेछ। स्वास्थ्यमा सुधार आउनेछ। छिमेकी र भाइबहिनीसँग आत्मीयता बढ्नेछ। घरमा आफन्तहरूको आगमनले वातावरण रमाइलो बन्नेछ। प्रिय व्यक्तिको भाग्यमा वृद्धि देखिन सक्छ, जसले तपाईंलाई पनि सकारात्मक असर पार्नेछ।
मीन राशि (दि, दु, थ, झ, ञ, दे, दो, च, चि)
अत्यधिक खर्चले तनाव र चिडचिडाहट निम्त्याउन सक्छ। बोलीमा संयम नअपनाए विवाद हुनसक्छ। आर्थिक कारोबार वा लेनदेनमा विशेष सतर्कता अपनाउनुहोस्। परिवारभित्र मनमुटावको स्थिति आउन सक्छ। नकारात्मक सोच हावी हुनसक्छ, त्यसैले ध्यान वा अध्यात्ममा समय दिनु राम्रो हुनेछ।
