काठमाडौँ : शुक्रले आफ्नै नक्षत्रमा प्रवेश गर्दा ५ वटा राशिहरूलाई शुभ फल प्राप्त हुनेछ। यी ५ भाग्यशाली राशिहरूले वित्तीय अवस्था, करियर र व्यक्तिगत जीवनमा सकारात्मक वा शुभ परिणामहरू प्राप्त गर्नेछन्। जान्नुहोस् शुक्रको नक्षत्र गोचरबाट कुन ५ राशिहरूलाई विशेष लाभ मिल्नेछ।
धन, वैभव र भौतिक सुखको प्रतीक मानिने ग्रह शुक्रले समय-समयमा आफ्नो राशि मात्र परिवर्तन गर्दैनन्, तर नक्षत्र परिवर्तन पनि गर्दछन्। यसपटक शुक्रले जेठ ३० गते शुक्रबार भरणी नक्षत्रमा प्रवेश गरेको छ र असार १२ गतेसम्म यही नक्षत्रमा रहनेछन्। विशेष कुरा त के छ भने भरणी नक्षत्रका स्वामी स्वयं शुक्रदेव नै हुन्। यस्तो अवस्थामा शुक्रको आफ्नै नक्षत्रमा गोचर हुनु केही राशिहरूका लागि अत्यन्तै शुभ र लाभदायक सिद्ध हुनेछ।
वृष राशि
शुक्रले तपाईको आफ्नै राशि र नक्षत्रमा गोचर गर्ने भएकाले तपाईंलाई धेरै क्षेत्रहरूमा लाभ हुनेछ। आत्मबल र साहसमा वृद्धि हुनेछ। पुराना लगानीहरूबाट फाइदा हुने सम्भावना छ। वैवाहिक जीवनमा समझदारी र मिठास कायम रहनेछ। व्यापारमा साझेदारीबाट लाभ हुनेछ। रोकिएको धन फिर्ता हुने सम्भावना पनि छ।
तुला राशि
तपाईंका लागि यो समय जीवनमा धेरै सकारात्मक परिवर्तनहरू ल्याउने सम्भावना छ। शुभ समाचार प्राप्त हुने सम्भावना छ। जग्गा-जमिन वा सवारीसाधन किन्ने योग बनिरहेको छ। परिवारमा कुनै शुभकार्य वा धार्मिक कार्यक्रम हुन सक्छ। व्यापारमा सफलता मिल्नेछ र नयाँ योजनाबाट लाभ हुने संकेत छन्। आम्दानीका नयाँ स्रोतहरू बन्नेछन् र पुराना स्रोतबाट पनि धन प्राप्ति हुनेछ।
सिंह राशि
यो गोचर तपाईका लागि लाभदायक साबित हुन सक्छ, विशेषतः करियर र आत्मविश्वासको क्षेत्रमा। आम्दानीका नयाँ माध्यमहरू बन्नेछन्। व्यापारमा सकारात्मक परिवर्तनको योग छ। आत्मविश्वासमा वृद्धि हुनेछ र बोलीमा मधुरता रहनेछ। धार्मिक कार्यहरूमा रुचि बढ्नेछ। जागिर गर्ने व्यक्तिहरूलाई उच्च पदाधिकारीहरूबाट सहयोग प्राप्त हुनेछ र पदोन्नतिको संकेत पनि देखिन्छ।
मकर राशि
शुक्रको नक्षत्र परिवर्तनले मकर राशिका व्यक्तिहरूलाई विशेष लाभ दिलाउनेछ। यस दिनदेखि व्यापारमा उल्लेखनीय आर्थिक प्रगति देखिनेछ। जागिर गर्ने व्यक्तिहरूका लागि प्रमोशनको योग बन्नेछ। यस अवधिमा वैवाहिक जीवन सुखमय रहनेछ। बुबाबाट सम्पत्तिको लाभ मिल्ने सम्भावना छ। ऐश्वर्य र धनमा वृद्धि हुनेछ। लगानीबाट राम्रो प्रतिफल प्राप्त हुन सक्छ।
मीन राशि
मीन राशि भएका व्यक्तिहरूका लागि पनि यो शुभ नक्षत्र परिवर्तन अत्यन्तै विशेष रहनेछ। शुक्रको नक्षत्र परिवर्तनले मीन राशिका लागि सुखद दिनको सुरुवात गर्नेछ। जागिर पेशामा लागेकाहरूको दिन रमाइलो रहनेछ। व्यवसाय गर्नेहरूलाई यस अवधिमा राम्रो आर्थिक फाइदा हुनेछ। व्यापारमा आर्थिक विस्तारको सम्भावना देखिन्छ। घर-परिवारमा धनको अवस्था पहिलेभन्दा अझ राम्रो हुनेछ। ससुराली पक्षबाट पनि लाभ प्राप्त हुन सक्छ।
