ज्योतिषशास्त्रका अनुसार ग्रहहरूले निश्चित समयमा राशि परिवर्तन गरेर विभिन्न योगको सिर्जना गर्छन्, जसले मानव जीवन र पृथ्वीलाई प्रत्यक्ष असर गर्छ। मङ्गल ग्रह कर्कट राशिमा प्रवेश गरेको छ, जसलाई मंगल ग्रहको नीच राशि मानिन्छ। नीच राशिमा कुनै ग्रहले अशुभ नतिजा दिन्छ। तर यहाँ नीचभाङ राजयोगको सिर्जना भइरहेको छ, जसका कारण ३ राशिका मानिसले धन र इज्जतको लाभ हुने भएको छ । जान्नुहोस् यी भाग्यशाली राशिका बारेमा….
मिथुन राशि
नीचभाङ राजयोग मिथुन राशिको लागि अनुकूल साबित हुन सक्छ। यस समयमा कार्यस्थलमा नयाँ अवसरहरू प्राप्त गर्नुहुनेछ जसबाट केही ठुलो फाइदाहरू पाउनुहुनेछ। आकस्मिक आर्थिक लाभ पनि हुनसक्छ। व्यवसायीहरूले उधारो पैसा फिर्ता पाउन सक्छन्। बोलीमा प्रभाव देखिनेछ। जसका कारण मानिसहरू प्रभावित हुन सक्छन्। अर्कोतर्फ मिडिया, मार्केटिङ, कला, वाणिज्य क्षेत्रसँग आबद्ध हुनेहरूका लागि यो समय राम्रो साबित हुनसक्छ ।
कन्या राशि
नीचभाङ राजयोग कन्या राशिको लागि लाभदायक साबित हुन सक्छ। त्यसैले यस समयमा आम्दानीमा राम्रो वृद्धि हुन सक्छ। यसका साथसाथै आम्दानीका नयाँ साधनहरू सिर्जना हुन सक्छन्। सम्मान प्राप्त गर्न सक्नुहुन्छ। पुराना लगानीबाट पनि फाइदा हुन सक्छ।आर्थिक मामिलामा फाइदा हुनेछ र यस बिचमा सञ्चित धनमा वृद्धि हुन सक्छ।
मेष राशि
मेष राशिका व्यक्तिहरूका लागि नीचभाङ राजयोग आर्थिक रूपमा राम्रो साबित हुनसक्छ। यस समयमा सवारी साधन र सम्पत्ति प्राप्त गर्न सकिनेछ। साथै लामो समयदेखि प्रतीक्षा गरिरहनुभएको काममा केही नयाँ अवसरहरू प्राप्त गर्न सक्नुहुन्छ। काममा राम्रो प्रदर्शन गर्दा पुरस्कृत हुनुहुनेछ। यसका साथै आमाको सहयोग प्राप्त हुनेछ। अर्कोतर्फ, घरजग्गा, सम्पत्ति, जग्गाजमिनसँग सम्बन्धित व्यवसाय भएका व्यक्तिहरूले राम्रो लाभ प्राप्त गर्न सक्छन्।
