(साताको राशिफल : जेठ ६ देखि १२ गतेसम्म) हरेक दिन हुने ग्रह नक्षत्रको आधारमा राशिफल निर्धारण गरिन्छ। यस साता ग्रह नक्षत्रको हिसाबले कुन राशिलाई शुभ हुनेछ ? हेर्नुहोस-
तुला राशि – र, रि, रु, रे, रो, ता, ति, तु, ते (Libra) :
सातालाई राम्रै रूपमा लिन सकिन्छ। सुरुको दिनमा इष्टमित्रसँग भेटघाट हुने र रमाइलोसमेत गरिएला । आर्थिक हानि देखिन्न। बरु कुनै माङ्गलिक कामको व्यस्ततामा समय बितिरहला। पढाइ एवम् शैक्षिक कार्यमा समेत पहिलेको भन्दा गतिशीलता बढ्नेछ।
वृश्चिक राशि – तो, ना, नि, नु, ने, नो, या, यि, यु (Scorpio) :
पूर्वाद्ध राम्रोखालको छ। सोचेकोभन्दा निकै काम बन्नेछन् तर मङ्गलबार र बुधबारका दिन भने निराशा दिनेखालका नै देखिन्छन्। स्वास्थ्यसम्बन्धी समस्या परिरहला। आफ्ना लागि भन्दा पनि परिवारका लागि बढी खर्च गर्नुपर्ने देखिन्छ।
मीन राशि – दि, दु, थ, झ, ञ, दे, दो, च, चि (Pisces) :
साताका मङ्गलबारबाहेक अरू दिन राम्राखालका छन्। सोचेकोजति नभए पनि सामान्य किसिमको आर्थिक लाभ भइरहला। घरपरिवारमा राम्रो वातावरण रहला भने मित्रहरूले पनि सहयोग गरिरहनेछन्। विशेषगरी व्यापार, व्यवसायमा क्रमिक सुधार हुने देखिन्छ।
