ज्योतिष शास्त्रमा शनिलाई सबैभन्दा महत्त्वपूर्ण ग्रह मानिन्छ। यो सबैभन्दा सुस्त गतिमा चल्ने ग्रह हो, जुन एक राशिमा करिब साढे दुई वर्ष रहन्छ। यस्तो अवस्थामा शनिले हरेक राशिमा दशाको निर्माण गर्नुहुन्छ।
वैदिक ज्योतिष शास्त्र अनुसार शनि १७ जुन को रात १०:४८ बजे कुम्भ राशिमा प्रवेश गर्नेछ। यस्तो अवस्थामा यसले धेरै राशिका मानिसको जीवनमा प्रतिकूल प्रभाव पार्न सक्छ। शनि ४ नोभेम्बर बिहान ८:२६ बजेसम्म वक्री रहनेछ। यसपछि सीधा हिंड्न थाल्छ। यो अवधिमा कुन राशिका व्यक्तिहरूले सावधानी अपनाउनु पर्छ जान्नुहोस्।
मेष राशि
यो राशिका व्यक्तिले आवश्यकताभन्दा बढी काम गर्नुपर्ने हुनसक्छ। यससँगै स्वास्थ्यमा समस्या आउन सक्छ। भारी कामको बोझले शारीरिक र मानसिक तनाव बढ्न सक्छ। तर, व्यवसायी वर्गका लागि शनिको प्रतिगामी प्रभाव भने खासै पर्ने छैन।
कर्कट राशि
यस राशिमा शनि आठौं घरमा वक्री हुनेछ। यस्तो अवस्थामा यो राशिका मानिसका लागि यो शुभ साबित हुँदैन। स्वास्थ्यमा अलि बढी सचेत हुन जरुरी छ। यससँगै फिल्डमा मिहिनेत गर्नुहुनेछ, तर कुनै फाइदा हुनेछैन। सवारी चलाउँदा अलिकति ख्याल गर्नु पर्ने देखिन्छ। जीवनमा ठूला-ठूला चुनौतीहरू पनि सामना गर्न सकिन्छ। व्यापार व्यवसायमा प्रगति हुनेछ।
तुला राशि
यो राशिका मानिसहरुका लागि शनिको वक्री हुने छैन, जागिर परिवर्तन गर्न चाहनुहुन्छ भने केही समय दिनुहोस्। जहाँ काम गरिरहनुभएको छ, त्यहाँ आउने समयमा फाइदा हुने सम्भावना छ। यसका साथसाथै आमाको स्वास्थ्यको विशेष ख्याल गर्नुहोला।
कुम्भ राशि
यस राशिमा शनि वक्री हुँदै छन्। यस्तो अवस्थामा यस राशिका व्यक्तिहरूले मानसिक तनावको सामना गर्नुपर्ने हुन सक्छ। यस समयमा पछुताउनु पर्ने हुनाले कुनै पनि कुरामा छिटो निर्णय लिनु हुँदैन। आफ्नो स्वास्थ्यप्रति अलिकति सचेत रहने प्रयास गर्नुहोस्। दाम्पत्य जीवनमा पनि तनाव आउन सक्छ।
