वैदिक ज्योतिष शास्त्रका अनुसार चाँडै नै राक्षसहरूको गुरु शुक्रले आफ्नो राशि परिवर्तन गर्न लागेको छ। शुक्र मे ३० मा कर्कट राशिमा प्रवेश गर्नेछ, जहाँ यो जुलाई ७ सम्म रहनेछ। शुक्रको यो गोचरले अशुभ योग बनिरहेको छ। यो योग बन्दा केही राशिलाई कठिनाइको सामना गर्नुपर्ने भएको छ। वास्तवमा शुक्र चन्द्रमाको राशिमा प्रवेश गर्दा ‘कारको भाव नाशाय’ ’ नामक अशुभ योग बनिरहेको छ । जान्नुहोस् कुन राशिका व्यक्तिले सतर्क रहनुपर्छ?
कर्कट राशि
यस राशिमा शुक्र प्रथम घरमा गोचर गर्दैछ। यो राशिमा चौथो र एघारौं घरको स्वामी शुक्र हो। यसका साथै सातौं घरमा शुक्रको दृष्टि रहनेछ। यस्तो अवस्थामा दाम्पत्य जीवनमा धेरै उतारचढाव आउन सक्छ। यसका साथै धेरै किसिमका समस्याको सामना गर्नुपर्ने हुन्छ। त्यसैले बेकारको बहस नगर्नुहोस्। तर, आर्थिक स्थितिमा नराम्रो असर पर्ने छैन।
मकर राशि
यस राशिमा शुक्र सातौं घरमा गोचर गर्दैछ र यो पाँचौं र दशौं घरको स्वामी हो। यस्तो अवस्थामा यस राशिका मानिसहरुको वैवाहिक र प्रेम जीवनमा नराम्रो असर पर्न सक्छ। आफ्नो पार्टनरसँग कुनै कुरामा विवाद हुन सक्छ। तर कुरालाई धेरै नबढाउने प्रयास गर्नुहोस्, किनकि यसले तपाईंको सम्बन्ध तोड्न सक्छ।
