काठमाडौँ : हस्तरेखा विज्ञानमा हत्केलाको बनावट, रेखा र त्यसमा बन्ने केही विशेष चिह्नको सहायताले व्यक्तिको भविष्यवाणी गर्न सकिने उल्लेखित छ। हस्तरेखा विज्ञान अनुसार हस्तरेखा र हत्केलामा बनेको चिह्नको सहाराले आर्थिक स्थिति पत्ता लगाउन सकिन्छ।
यदि कुनै व्यक्तिको हत्केलामा जीवन रेखा सही गोलाईमा छ, मस्तिष्क रेखा दुई भागमा विभाजित छ, हत्केलामा त्रिकोण बनेको छ भने यस्ता तीनवटै चिन्ह भएका व्यक्तिले जीवनमा अपार धन लाभ गर्नेछन्। यसप्रकार का हत्केला भएका व्यक्तिहरुले समय-समय अचानक धन प्राप्त गर्छन्।
यदि हत्केलाको अन्तिम स्थानबाट भाग्यरेखा सुरु भई शनि पर्वतसम्म पुगेको छ र भाग्य रेखामा कुनै प्रकारको अशुभ निशान छैन भने व्यक्तिले व्यवसायमा सफलता प्राप्त गर्नेछन्। व्यापारबाट धन आर्जन हुने सम्भावना छ।
यदि कुनै व्यक्तिको हत्केला भारी र फैलिएको छ, औँला कोमल र नरम छ भने व्यक्ति धनी हुने योग बन्छ। हत्केलामा शनि छ भने व्यक्तिले धन र सुख प्राप्त गर्छन्। यदि शनि पर्वत उठेको छ र जीवन रेखा सही दिशामा वक्र छ भने यो शुभ योग हुन्छ। यस्ता व्यक्तिहरुले जीवनमा सबैखाले सुख प्राप्त गर्दछन्।
