काठमाडौँ : सूर्यग्रहणलाई हिन्दू धर्ममा महत्त्वपूर्ण घटना मानिन्छ। वर्षको पहिलो ग्रहण बैशाख ७ गते(२० अप्रिल) बुधबार मातातीर्थ औँसीको दिन लाग्दैछ। यद्यपि यो सूर्यग्रहण नेपालमा मान्य हुने छैन। ग्रहण अवधिमा सूर्य मेष र अश्विनी नक्षत्रमा हुनेछ। सूर्यग्रहणले केही राशिमा सकारात्मक-नकारात्मक प्रभाव पार्छ। जान्नुहोस् सूर्यग्रहणले कुन राशिमालाई नकारात्मक असर गर्नेछ। यो सूर्यग्रहण बिहान ७:४५ बजेबाट सुरु भएर दिउँसो १२.२९ बजेसम्म रहनेछ। वर्षको दोस्रो सूर्यग्रहण असोज २७ गते(१४ अक्टोबर) शनिबार लाग्नेछ।
• मेष राशि – चु, चे, चो, ला, लि, लु, ले, लो, अ (Aries) : –
ज्योतिषशास्त्रमा सूर्यग्रहणले मेष राशिका मानिसहरूलाई प्रतिकूल प्रभाव पार्नेछ। यस अवधिमा स्वास्थ्यमा नकारात्मक असर पर्नेछ। मानसिक तनाव रहनेछ। आर्थिक मामिलामा समस्या आउन सक्छ। यस अवधिमा तपाईंले दाम्पत्य जीवनमा उतारचढावको सामना गर्नुपर्ने हुन सक्छ।
• वृष राशि – इ, उ, ए, ओ, बा, बि, बु, बे, बो (Taurus) : –
सूर्यग्रहणले वृष राशिका मानिसहरूको जीवनमा अशान्ति ल्याउन सक्छ। यस अवधिमा तपाईंले धेरै समस्याहरूको सामना गर्नुपर्ने हुन सक्छ। यस अवधिमा आफ्नो क्रोधलाई नियन्त्रण गर्नुहोस्। तपाईको खर्च बढ्नेछ। आमाबुवाको स्वास्थ्यको ख्याल गर्नुहोला। आर्थिक क्षेत्रमा कठिनाइको सामना गर्नु पर्नेछ।
• कन्या राशि – टो, प, पि, पु, ष, ण, ठ, पे, पो (Virgo) : –
कन्या राशिका व्यक्तिहरूले यस अवधिमा आफ्नो स्वास्थ्यको ख्याल गर्नुपर्छ। यस अवधिमा कुनै पनि पुरानो रोग देखा पर्न सक्छ। यस अवधिमा व्यवसायीलाई नोक्सान हुन सक्छ। रोजगारी भएका व्यक्तिले कार्यस्थलमा समस्याको सामना गर्नु पर्नेछ। यस समयमा तपाईलाई आर्थिक संकटको सामना गर्नु पर्नेछ।
• तुला राशि – र, रि, रु, रे, रो, ता, ति, तु, ते (Libra) : –
तुला राशिका व्यक्तिहरूले आर्थिक समस्याको सामना गर्नुपर्ने हुन सक्छ। लगानी गर्नबाट बच्नुहोस्। यदि तपाईंले लगानी गर्नुभयो भने, तपाईंले धन हानिको सामना गर्नुपर्ने हुन सक्छ। बुवासँगको सम्बन्धमा उतारचढाव आउन सक्छ।
