धार्मिक मान्यता अनुसार घर बनाउँदा वास्तुशास्त्रको ख्याल राख्नु अति आवश्यक मानिन्छ। घरमा राखिएको हरेक वस्तुले कुनै न कुनै कुराको प्रतिनिधित्व गर्छ, त्यसैले घरमा राखिएका हरेक वस्तुलाई वास्तु अनुसार मिलाउनु आवश्यक हुन्छ। यसो गर्नाले घरमा सकारात्मक ऊर्जाको वास हुन्छ र परिवारमा सुख-समृद्धि पनि कायम रहन्छ। जान्नुहोस् केही सजिलो वास्तु उपाय जसको सहायताले घरमा गुमेको सुख-समृद्धि आउनेछ।
घरमा बनाइएको पूजास्थल त्यो घरको सबैभन्दा पवित्र स्थानहरू मध्ये एक हो। वास्तुशास्त्र अनुसार घरको उत्तर-पूर्व दिशामा देवताहरूको वास हुने भएकाले यस दिशामा पूजास्थल बनाउनु निकै शुभ मानिन्छ।
घरमा वरपर लगाइएका रुख तथा बिरुवालाई नियमित पानी हाल्नु पर्छ। सुख्खा रूख र बोटबिरुवाले जीवनमा नकारात्मक प्रभाव पार्छ। वास्तुशास्त्र अनुसार घरमा पार्किङका लागि उत्तर-पश्चिम दिशालाई सबैभन्दा शुभ मानिन्छ। वास्तुशास्त्र अनुसार बेडरूममा खुट्टा ढोकातिर राखेर सुत्नु हुँदैन।
घर वा कोठाको सजावटमा भुलेर पनि काँडे बिरुवाहरू प्रयोग नगर्नुहोस्। अतिथि कक्ष घरको उत्तर वा पश्चिम दिशामा बनाउनु पर्छ। वास्तुशास्त्र अनुसार घरको दक्षिण-पूर्व दिशामा अग्नि सम्बन्धी उपकरण राख्नु पर्छ। घर सधैँ सफा राख्नुहोस्, फोहोरको कारणले मनमा नकारात्मक सोच उत्पन्न हुन्छ।
