धार्मिक मान्यता अनुसार हप्ताको प्रत्येक दिन कुनै न कुनै देवतालाई समर्पित हुने गर्दछ। जसरी सोमबारको दिन भगवान शिव, मंगलबारको दिन हनुमानको , बुधबारको दिन गणेश र बिहीबारको दिन भगवान विष्णुको लागि समर्पित छ। बिहीबार भगवान विष्णुको आराधना गरी केही विशेष उपाय गर्नाले भगवान विष्णुको अपार आशीर्वाद प्राप्त हुन्छ।
यस दिन गरिने उपायले सौभाग्य बढ्छ, उन्नति र कीर्ति मिल्छ। धेरै धन कमाउनेछन्। जान्नुहोस् केही यस्ता उपाय, जसलाई बिहीबार गर्नाले जीवनका धेरै समस्या अन्त्य हुन्छ।
काममा सफलता प्राप्त गर्ने उपाय: यदि काममा बारम्बार असफलता भइरहनु भएको छ भने त्यसको पछाडि कुण्डलीमा बृहस्पतिको स्थिति कमजोरी हुन सक्छ। यस समस्याबाट छुटकारा पाउन बिहीबार देव गुरु बृहस्पतिको विधिवत् पूजा गर्नुका साथै तुलसी मालाले ‘ॐ ब्रम् बृहस्पतये नमः’ मन्त्रको १०८ पटक जप गर्नुहोस्।
धन प्राप्तिको उपाय: आर्थिक अवस्था कमजोर छ। धनको कमीले छोड्दैन भने बिहीबार चामलको खीर बनाउनुहोस् र यसमा केसर मिसाउनुहोस्। त्यसपछि यो केसरको खीर भगवान विष्णुलाई चढाउनुहोस् र यो प्रसाद आफै पनि खानुहोस्। ११ वटा बिहीबारसम्मको यो उपायले लाभ मिल्नेछ।
विवाहमा आएको समस्या कम गर्ने उपाय: विवाह हुन् ढिलो भइरहेको छ वा विवाहमा बारम्बार समस्या आइरहेको छ भने यस समस्याबाट छुटकारा पाउन बिहीबार केराको रुखको पूजा गर्नुहोस् । केराको रुखमा भगवान विष्णुको बास हुने मान्यता छ। केराको रूखको पूजा गरेपछि चनाको दाल र सखर चढाउनुहोस्। केराको रुखको ७ पटक परिक्रमा गर्नुहोस्, शीघ्र विवाह हुने सम्भावना रहन्छ।
आम्दानी बढाउने उपाय: धेरै प्रयास गर्दा पनि आर्थिक समस्याबाट छुटकारा पाउन नसकेमा बिहीबार केराको जरालाई पहेँलो कपडामा बेरेर बिहीबार डोरो बनाएर घाँटीमा लगाउनुहोस्। यसो गर्नाले पैसा सम्बन्धी समस्याबाट केही समयमै राहत मिल्नेछ।
