भोलि अर्थात् डिसेम्बर ५ तारिख मार्गशीर्ष महिनाको सोमबार शुक्ल पक्षको प्रदोष व्रत मनाइनेछ । प्रदोष व्रत प्रत्येक महिनाको त्रयोदशीका दिन मनाइन्छ । यस पटक प्रदोष व्रत सोमबार मनाइँदै छ जसलाई सोम प्रदोष भनिन्छ । सोम प्रदोष व्रत राखी विधि-विधान अनुसार पूजा गर्नाले भगवान शिवको आशीर्वाद प्राप्त हुन्छ। तसर्थ यस सोम प्रदोषमा केही विशेष उपाय अपनाउन सकिन्छ। भगवान सम्बन्धी यी उपाय गर्नाले वैवाहिक जीवनमा खुसीले साथै सुख र समृद्धि कायम हुने मान्यता रहेको छ ।
पञ्चाङका अनुसार मार्गशीर्ष शुक्ल पक्षको त्रयोदशी तिथि डिसेम्बर ५ तारिख बिहान ५ः५७ बजे प्रारम्भ भई डिसेम्बर ६ तारिख बिहान ६ः४५ बजे समापन हुनेछ । यस अवधिमा सोम प्रदोषको पूजा गर्ने सबैभन्दा शुभ समय प्रदोष काल मुहूर्त हुनेछ, जुन ५ डिसेम्बरको बेलुका ५:३३ बजेदेखि ८:१५ बजेसम्म हुनेछ।
सोम प्रदोष व्रतको दिन बिहान सबेरै स्नान गरी भगवान शिवको अगाडि हात जोडेर व्रतको सङ्कल्प लिनुहोस् । त्यस्तै प्रदोषकालमा पूजा गर्नुअघि फेरि स्नान गर्नुहोस्। यसका लागि भगवान शिव र माता पार्वतीको प्रतिमा वा तस्बिर स्थापना गर्नुहोस्। त्यसपछि षोडशोपचार पूजा गर्नुहोस्। शिवलिंगलाई गाईको दूध, घिउ, दही, मह र गंगाजलले अभिषेक गर्नुहोस्। चन्दन पनि लगाउनुहोस्। बेलपत्र, धतुरा, फूल चढाउनुहोस्। अन्त्यमा सोम प्रदोषको कथा पढ्नुहोस्, भगवान शिवको आरती गर्नुहोस्।
वैवाहिक जीवनको समस्या हटाउन र सन्तानको सुख प्राप्त गर्नका लागि ‘ॐ नमः शिवाय’ २७ पटक भगवान शिवलाई गुलाबको २७ वटा रातो फूल चढाउनुपर्छ । चन्दन पनि चढाउनुहोस्। पति-पत्नी मिलेर यो उपाय गरेमा छिटो फल मिल्छ । त्यस्तै जसको वैवाहिक जीवनमा बाधा आइरहेको छ, उनीहरूले प्रदोष व्रत गरेर भगवान शिवको पूजा गर्नुपर्छ।
