काठमाडौँ- काभ्रे क्षेत्र नम्बर २ मा नेकपा एमाले अग्रता बढाउँदै अगाडी बढेको छ। मतगणनाको सुरुवातमा केहि समय पछि रहेपनि नेकपा एमालेले बुधबार राति देखि भने निरन्तर अग्रता बनाइरहेको हो।
नेकपा एमालेका गोकुल बाँस्कोटाले यति बेला अग्रता बढाउँदै गरेको अवस्था छ। पछिल्लो मतपरिणामका अनुसार उनले २७ हजार १ सय ८२ मत प्राप्त गरेका छन्। बाँस्कोटा निकटतम प्रतिद्वन्दी भन्दा १ हजार ५ सय ३३ मतले अगाडी रहेका छन्।
बाँस्कोटालाई गठबन्धनको समर्थनमा रहेका नेपाली कांग्रेसका उम्मेदवार शिवप्रसाद हुमागाईले २५ हजार ६ सय ४९ मत प्राप्त गरेका छन्। हुमागाईले बनेपा नगरपालिका र बेथान्चोक गाउँपालिकाको मतगणनामा अग्रता लिएका थिए।
तर पनौती नगरपालिका, भुम्लु गाउँपालिका सँग-सँगै मण्डनदेउपुर नगरपालिकाको मतगणना सुरु भएसँगै बाँस्कोटाले अग्रता बढाएका हुन्। अहिले राष्ट्रिय स्वतन्त्र पार्टीका दिनेश हुमागाई ६ हजार ५ सय ३ मत सहित तेस्रो स्थानमा रहेका छन्।
