एजेन्सी- बलिउड क्षेत्रकी चर्चित अभिनेत्री मलाइका आरोडा छिट्टै ओटीटी डेब्यु गर्न लागेकी छिन् । उनको शो ‘मुभिङ इन विथ मलाइका’ ५ डिसेम्बरबाट आउँदैछ । अहिले मलाइकाका फ्यानहरु शोका लागि निकै उत्साहित छन् । शोको प्रिमियर हुनुअघि मलाइकाले आफ्नो जीवनको बारेमा बताएकी बताएकी छिन् ।
अहिले अभिनेत्रीको भनाइ सामाजिक सञ्जालमा निकै भाइरल भएको छ । उनले पछिल्लो समयमा उमेर, फेसन लगायतका धेरै कुरामा नराम्रोसँग ट्रोल भएको बताइन् । मलाइकाले उनको आगामी शो रियालिटी शो जस्तो नहुने बताइन् । तर उनको जीवनसँग सम्बन्धित केही रोचक पक्षहरू पनि बताएकी छिन् ।
मलाइकाले एक सञ्चार मध्यम सँगको कुराकानीमा भनिन्, यो शो अलि फरक छ । यो रियालिटी शो जस्तो हुनेछैन। २४ घण्टाको लागि क्यामेरा म मा हुनेछैन। मेरो जीवनका धेरै रोचक पक्षहरू हुनेछन्। जनता धेरै कुरा जान्न चाहन्छन् । जस्तै म कसरी फिट रहन्छु, म के खान्छु, म कसरी कसरत गर्छु, आदि।
मलाइकाले भनिन्, ‘अहिलेको धेरै मानिसहरुको सम्बन्ध विच्छेद भएका महिला वा एकल आमालाई तुच्छ नजरले हेर्छन् । फेसन सेन्स, उमेर र फेसन रोजाइमा उनलाई मानिसहरुले नराम्रोसँग ट्रोल गर्ने गर्छन्। अभिनेत्री भन्छिन् आफू ट्रोलबाट प्रभावित भएको छैन ।
मलाइका नेगेटिभ कमेन्ट गर्नेहरुले बनाएको छवि तोड्न चाहन्छिन् । मलाइकाले आफू ट्रोलसँग कत्ति पनि नडराउने बताइन् । मलाइकाले भनिन् कि यदि कसैले उनलाई मुक्का हन्छ भने, उनी यति छिटो मुक्का फर्काउने छिन् कि उनी निको हुन सक्दैनन्।
