काठमाडौं । नेकपा एमालेका अध्यक्ष केपी शर्मा ओली ठमेलस्थित लर्ड अफ द ड्रिंक्स (एलओडी) क्लब पुगेका छन् । आसन्न प्रतिनिधि तथा प्रदेश सभा निर्वाचनको प्रचारप्रसार र आमसभा सम्बोधनमा व्यस्त ओली शुक्रबार मध्यराती एलओडी क्लबमा पुगेका हुन् ।
ओली एलओडीमा प्रवेश गरेसँगै उनको पक्षमा नाराबाजी सुरु भएको थियो । एलओडीमा ओली बसुन्जेल स्क्रिनमा एमालेले जारी गरेको घोषणा पत्र समेत देखाइएको थियो ।
केही सहयोगीहरुसहित उनी एलओडी नामक नाइटक्लबमा पुगेका थिए । उनले पुग्दा सो नाइट क्लबमा युवायुवतीको ठूलो उपस्थिति थियो।
