वैदिक क्यालेन्डर अनुसार यस वर्ष दीपावली तथा लक्ष्मी पूजा कार्तिक ७ गते मनाइँदैछ। यस दिन धन देवता कुबेर र धनकी देवी महालक्ष्मीको पूजा गर्ने विधि छ। यसपछि दीपावलीमा ग्रहहरूको विशेष संयोग हुने भएकाले यस दिनको महत्व झनै बढेको छ। यस दिन चन्द्रमा बुधको साथ कन्या राशिमा रहनेछ। साथै सूर्य र शुक्र तुला राशिमा बस्नेछन्। यस्तो अवस्थामा यसपटक लक्ष्मी माताको पूजा सुख-समृद्धि प्रदान गर्ने सिद्ध हुन सक्छ।
जान्नुहोस् लक्ष्मी पूजा सामग्री
दीपावलीको पूजा विशेष हुने गर्छ। यसमा केही विशेष सामग्रीहरू समावेश गर्न आवश्यक हुन्छ, जसमा लक्ष्मी तथा भगवान गणेशको प्रतिमा, रोली, कुमुकुम, अक्षता, सुपारी, नरिवल, ल्वाङ, अलैंची, धूप, कपूर, अगरबत्ती, दियो, कपास, कलश, मह, दही, शुद्ध जल, कमलगट्टा, चाँदीको सिक्का, फलफूल र मिठाइहरू जस्ता सामग्री समावेश छन्। साथसाथै पूजामा लक्ष्मीको मूर्ति खण्डित नहोस् भन्ने कुराको विशेष ख्याल राख्नुपर्छ। साथै, चित्र पनि टुटेको हुनु हुँदैन।
लक्ष्मी पूजाको शुभ समय
कार्तिक प्रदोषे तु विशेषेण अमावस्या निशावर्धके। तस्यां सम्पूज्येत देवीं भोग मोक्ष प्रदायिनीम।। यसको अर्थ जुन दिन मध्यरात र प्रदोषकालमा औंशी तिथि पर्छ सोही दिन दीपावलीको पूजा गर्दा शुभ रहन्छ।
