शारदीय नवरात्रिको ९ दिनपछि विजयादशमी पर्व मनाइन्छ। यस दिन अशुभको प्रतीक रावणको पुत्ला दहन गरिन्छ। साथै, हिन्दु पौराणिक कथा अनुसार यो पर्व महिषासुर राक्षसमाथि देवी दुर्गाको विजयको दिन पनि हो। नयाँ कामको थालनी गर्न, किनमेल गर्न, सवारी साधन र ह-ति-या-र-को पूजा गर्नका लागि दशैलाई निकै शुभ मानिन्छ। यस वर्ष दशैंमा बन्ने शुभ योगहरूले यसलाई थप विशेष बनाउँन लागेका छन्। यी योगमा पूजा-आराधना र शुभ कार्य गर्दा धेरै फाइदा हुन्छ।
विजयादशमी २०७९ मिति र शुभ समय
पञ्चांगका अनुसार आश्विन शुक्ल पक्षको दशमीका दिन विजयादशमी मनाइन्छ। यस वर्ष आश्विन महिनाको दशमी मिति असोज १८ गते दिउँसो २:३६ बजेदेखि सुरु भई असोज १९ गतेसम्म रहनेछ। उदयतिथिको आधारमा असोज १९ गते विजयादशमी मनाइँदैछ। यस दिन बिहान १० बजेर २ मिनेटमा माता दुर्गा भवानीको प्रसाद टीका र जमरा ग्रहण गर्ने उत्तम साइत रहेको छ। यस दिन विजय, अमृतकाल र दुर्मुर्ता जस्ता शुभ योगहरु बन्ने भएका छन्। यी शुभ योगहरूलाई ज्योतिषशास्त्रमा निकै महत्वपूर्ण मानिन्छ।
विजयादशमीको दिन गर्नुहोस् यी शुभ कार्य र उपाय
धनी बन्न चाहनुहुन्छ भने यस दिन ज्योतिष र धर्ममा उल्लेखित केही शुभ काम गर्नुहोस्। यी विशेष काम गर्नाले जीवनमा धेरै सुख र समृद्धि प्राप्त हुन्छ।
- दशमीको दिन शमीको बोटको पूजा गर्नुहोस्। यसो गर्नाले घरमा सुख-समृद्धि रहन्छ र उन्नतिको बाटोमा आउने बाधाहरू हट्छ।
- शत्रुलाई जित्न चाहनुहुन्छ भने विजयादशमीको दिन ह-ति-या-र-को पूजा गर्नुहोस्।
- जागिर र व्यापारमा उन्नति गर्न चाहनुहुन्छ भने यस दिन ‘ओम विजयाय नमः’ मन्त्रको जप गर्नुहोस्। त्यसपछि माता दुर्गालाई दश फल चढाउनुहोस्। साथै, एउटा झाडु किनेर मन्दिरमा दान गर्नुहोस्। यसबाट लक्ष्मी देवी प्रसन्न भई धेरै धन-सम्पत्ति प्रदान गर्छिन्।
- दशमीको दिन देवी लक्ष्मीलाई प्रसन्न गर्न र उनको आशीर्वाद प्राप्त गर्न घरको उत्तर-पूर्व दिशामा सिन्दुर वा रातो रंगको फूलले अष्टकमलको आकार बनाउनुहोस्। साथै, लक्ष्मीलाई धन प्रदान गर्न प्रार्थना गर्नुहोस्।
