सूर्यग्रहण, मातातीर्थ औँसी र शनिबार एकै दिन, यी ३ राशिले भूलेर पनि नगर्नुस् यस्ता काम

काठमाडौँ : नवसंवत्सर २०७९ को पहिलो सूर्यग्रहण बैशाख १७ गते लाग्दैछ। यो आंशिक सूर्यग्रहण हुनेछ, जुन नेपालबाट नदेखिने भएकोले सूतककाल मान्य हुनेछैन्। हिन्दु पञ्चाङ्ग अनुसार बैशाख १७ गते बैशाख कृष्णपक्षको औँसी तिथि र शनिबारको संयोग बनेको छ। जसकारण यस दिन शनिश्चरी औँसी मनाइन्छ। ग्रहहरूको स्थितिका कारण सूर्यग्रहण र शनिश्चरी औँसीको दिन केही राशिका जातकले विशेष सावधानी अपनाउनुपर्छ।

पञ्चाङ्ग अनुसार १७ गते बैशाख कृष्णपक्षको औँसी छ। यस दिन औँसीको दिन शनिबार परेकोले शनिश्चरी औँसीको योग बन्नेछ। शनिश्चरी औँसीको दिन पवित्र नदीमा स्नान, दान र तप गर्ने सनातन परम्परा रहँदै आएको छ। यसो गर्नाले पुण्य प्राप्ति हुने मान्यता छ। औँसी तिथिमा पितृका लागि श्राद्ध पनि गरिन्छ। शनि अमावस्याको दिन शनिदेवको पूजा पनि गरिन्छ। यस दिन शनिदेवको पूजा गर्नाले शनिको साढेसाती र शनि ढैय्याबाट पीडित व्यक्तिहरुले राहत पाउनेछन्।