चैत्र महिनाको मावास्या चैत्र १८ गते शुक्रबार अर्थात् भोलि परेको छ । वास्तवमा यो चैत्र कृष्ण पक्षको अन्तिम तिथि हो । यसपछि चैत्र शुक्ल प्रतिपदा सुरु हुनेछ, जसमा नवरात्र पनि आउनेछ। हिन्दू पात्रोका अनुसार यस पटक चैत्र अमावस्या चैत्र १७ गते दिउँसो १२ः३७ बजेदेखि सुरु हुनेछ । त्यस्तै यसको समापन चैत १८ गते बिहान १२:०८ मा समापन हुनेछ ।
शास्त्रका अनुसार सूर्योदयदेखि नै अमावस्याका लागि स्नान र दान गर्ने गरिन्छ । यस्तो अवस्थामा चैत्र अमावस्याका लागि चैत्र १८ गते स्नान र दान गरिने छ । काल सर्प दोष र पितृ दोषबाट मुक्ति पाउन चैत्र अमावस्यालाई विशेष मानिन्छ । यस्तो अवस्थामा आजको दिन अपनाउनुपर्ने उपायहरु जान्नुहोस् ।
काल सर्प दोष र पितृ दोषबाट छुटकारा पाउने उपाय
चैत्र अमावस्याको दिन भगवान शिवको पूजा गर्नाले कालसर्प दोषबाट मुक्ति मिल्छ । यस दिन शिव मन्दिरमा रुद्राभिषेक गर्नुका साथै शिवलिंगमा दूध र मीश्री चढाउनुपर्छ । यस्तो उपाय गर्नाले शिवको कृपा हुनुको साथै कालसर्प दोष हट्छ।
चैत्र अमावस्याको दिन पवित्र नदीमा स्नान गर्नाले लाभ हुने मान्यता रहेको छ । स्नान गरेपछि चाँदीबाट बनेको नाग र नागिनको पूजा गर्नुहोस्। त्यसपछि काल सर्प दोषबाट मुक्तिको लागि प्रार्थना गर्नुहोस्। यसपछि नाग र नागिनलाई गंगाको जल अर्पित गरिन्छ । यसो गर्नाले कालसर्प दोष छुटकारा मिल्ने जनविश्वास छ ।
यसबाहेक चैत्र अमावस्यामा शिव ताण्डव स्तोत्रको पाठ गर्नु पनि लाभदायक मानिन्छ। वास्तवमा यसो गर्दा काल सर्प दोषबाट मुक्ति मिल्छ। साथै कालसर्प दोषबाट मुक्ति पाउनका लागि राहुको पनि पूजा गर्ने गरिन्छ । कुनै पनि शिव मन्दिरमा राहुको पूजा गर्नु लाभदायक मानिन्छ।
चैत्र अमावस्याको दिन बनेको विशेष संयोग
धार्मिक मान्यता अनुसार चैत्र अमावस्याको दिन बिहान ब्रह्मयोग निर्माण भएको छ । यसबाहेक इन्द्रयोगको दुर्लभ संयोग पनि बनिरहेको छ । बिहान १०ः५५ बजेदेखि सर्वार्थ सिद्धि योग र अमृत सिद्धि योग पनि बनेको छ । यी योगहरूमा शुभ कार्यहरू गर्नाले सफल हुन्छन्। यससँगै चैत्र अमावस्यामा भाद्रपद र रेवती नक्षत्रको संयोग पनि रहेको छ ।
