होली आउन केही दिन मात्रै बाँकी छ। होलाष्टक २ दिन पछि फागुन २६ गते देखि सुरु हुनेछ। होलाष्टकको ८ दिनमा कुनै शुभ कार्य हुँदैन। यस अवधिमा भगवानको भक्तिमा अधिकतम समय बिताउनु राम्रो मानिन्छ। होलाष्टकपछि फागुन शुक्ल पूर्णिमाको रातमा होलिका दहन तथा होली खेलिन्छ। यस वर्ष चैत्र ३ गते होलीको दिन निकै विशेष हुने भएको छ किनभने यस वर्ष होलीमा धेरै शुभ योगहरू बनिरहेका छन्। यस अवधिमा गरिएको पुजा र दानले धेरै गुणा फल दिनेछ।
होलिका दहनको शुभ मूहुर्त
फाल्गुन शुक्ल पूर्णिमा चैत्र ३ गते १:४४ मा सुरु हुनेछ र चैत्र ४ गते १:०२ मा समाप्त हुनेछ। अर्कोतर्फ यसपटक होलिका दहनको शुभ समय १ घण्टा १० मिनेट मात्र रहनेछ। चैत्र ३ गते बिहीबार होलिका दहनको शुभ समय राति ९:२१ देखि १०:३१ बजे सम्म छ।
होलीमा आधा दर्जन शुभ योग बन्दै
सन् २०२२ मा होलीमा करिब आधा दर्जन शुभ योग बन्दैछन्। जसमा वृद्धि योग, अमृत सिद्धि योग, सर्वार्थ सिद्धि योग र ध्रुव योग पर्दछन्। यसबाहेक होलीमा बुध-गुरु आदित्य योग पनि बनिरहेको छ। ज्योतिष शास्त्रका अनुसार वृध्दि योगमा गरिने कार्यले लाभ मिल्छ। यो योग विशेषगरी व्यापारका लागि निकै लाभदायक मानिन्छ। सर्वार्थ सिद्धि योगमा गरेको शुभकर्मले धेरै पुण्य दिन्छ। ध्रुव योगको निर्माणले कुण्डलीमा चन्द्रमा बलवान हुने मौका दिन्छ। अर्कोतर्फ बुध-गुरु आदित्य योगमा गरिएको होलीको पूजाले घरमा सुख शान्ति ल्याउँछ।
