महाशिवरात्रि शिव र शक्तिको मिलनको पर्व हो । हिन्दु क्याले-न्डर अनुसार माघ मासको कृष्ण पक्षको चतुर्दशी तिथिमा महाशिवरात्रि पर्व मनाइन्छ। पञ्चाङ अनुसार फागुन महिनामा पर्ने मासिक शिवरात्रिलाई महाशिवरात्रिका रुपमा मनाइन्छ । यस वर्ष महाशिवरात्रि फागुन १७ गते मंगलबार परेको छ ।
महाशिवरात्रिको दिन बिहान ११ बजेर ३३ मिनेटमा परिघ योग हुनेछ । ज्योतिष शास्त्रमा यो योगमा शुभ कार्य गर्न निषेध गरिएको छ । यसपछि शिव योग हुनेछ। शिवकालमा गरेको काममा सफलता मिल्ने जनविश्वास रहेको छ । भगवान शंकरको शिवयोगमा विधिपूर्वक पूजा गर्नाले शुभ फल प्राप्त हुने जनविश्वास रहेको छ ।
महाशिवरात्रीमा परेको शुभ योग
चतुर्दशी तिथि प्रारम्भ – फागुन १७ गते मंगलबार बिहान ०३:३१ बजे, चतुर्दशी तिथि समाप्त – फागुन १८ गते बिहान ०१:१५ बजेसम्म ।
महाशिवरात्रि शुभ मुहूर्त-
ब्रह्म मुहूर्त बिहान ०५:०७ देखि ०५:५७ प्रता सन्ध्या ०५:३२ बिहान देखि ०६:४६ सम्म अभिजित मुहूर्त १२:१० पीएम देखि १२:५७ पीएम सम्म
विजय मुहूर्त दिउँसो ०२:२९ देखि ३:१६ सम्म, गोधूलि मुहूर्त बेलुका ०६:०९ बजे देखि बेलुका ६:३३ सम्म, साँझ ०६:२१ पीएम देखि ०७:३५ पीएम सम्म, अमृत काल बेलुका ०६:०३ बजे देखि बेलुका ७:३३ सम्म, निशिता मुहुर्त १२:०८ एम देखि १२:५८ फागुन १८ सम्म
पूजा विधि
महाशिवरात्रिको दिन बिहान सूर्योदयअघि उठेर नुहाएर सफा वस्त्र लगाउनुपर्छ । सम्भव भएमा महाशिवरात्रिको व्रत बस्नुहोस् । त्यसपछि शिवलिंगलाई पञ्चामृतले अभिषेक गर्नुहोस्। शिवलिंगमा जल, दूध, दही, मह, घिउ आदि एक एक गरी अर्पण गर्नुहोस्। अन्तमा सुद्ध जाला चढाउनुहोस् ।
यसपछि भगवान शिवलाई चन्दन भभूतको तिलक लगाउनुहोस् र बेलपत्र, शमी पत्र, भांग, धतुरो, फलफूल, मिठाई, सुपारी, अलैंची, लौंग, अत्तर र केही दक्षिणा चढाउनुहोस्।
यस अवधिमा पञ्चाक्षरी मन्त्र ओम नमः शिवाय वा शिवको महामृत्युञ्जय मन्त्रको जप गरिरहनुहोस्। अन्तमा, भगवान शिवलाई केसर युक्त खीर चढाउनुहोस् र त्यसपछि भगवानको प्रसाद सबैलाई बाँड्नुहोस्।
यसरी पूर्ण विधिपूर्वक महाशिवरात्रिको दिन रुद्राभिषेक गर्नाले जीवनका सबै कष्ट, रोग, दुःख हट्ने जनविश्वास छ ।
