काठमाडौँ : महाशिवरात्रिको दिन भगवान शिवलाई समर्पित हुन्छ। यस दिन भगवान शङ्करको विधिवत पूजा गरिन्छ। यस वर्ष महाशिवरात्रिमा ग्रहहरूको विशेष संयोग बनिरहेको छ। यस दिन शनिदेवको राशि मकरमा शनि, बुध, मङ्गल, शुक्र र चन्द्रमा विराजमान हुनेछन्। जबकि सूर्य देव र बृहस्पति कुम्भ राशिमा गोचर गर्दैछन्। केही ग्रहहरुको शुभ संयोगले राशिको जीवनमा खुशी ल्याउनेछ। महाशिवरात्रिमा कुन ४ राशिमा भोलेनाथको विशेष कृपा रहनेछ त ? हेर्नुस्।
• मेष राशि – चु, चे, चो, ला, लि, लु, ले, लो, अ (Aries) : –
मेष राशिको दशौँ भावमा ग्रहहरुको विशेष संयोग बन्दैछ। यसकारण यो समयावधिमा भोलेनाथको विशेष कृपा रहनेछ। तपाईको आर्थिक पक्ष बलियो हुनेछ। व्यापारमा प्रशस्तै लाभ हुनेछ। लामो समयदेखि अड्किएका कामहरु सम्पन्न हुनेछन्। महाशिवरात्रिको दिन भगवान शिवको पूजामा रक्तचन्दन र रातो फूल चढाउनुहोस्।
• वृष राशि – इ, उ, ए, ओ, बा, बि, बु, बे, बो (Taurus) : –
वृष राशिको नवौँ भावमा ग्रहहरुको विशेष संयोग बन्दैछ। यस समयावधिमा तपाईलाई भाग्यले पूरा साथ दिनेछ। वैवाहिक जीवनमा मधुरता आउनेछ। व्यापार व्यावसायमा आकस्मिक आर्थिक लाभ हुने योग छ। महाशिवरात्रिको दिन भगवान शिवको पूजा गर्दा उखुको रस र दूधले रुद्राभिषेक गर्नुहोस्। यसो गर्नाले महादेवको कृपाले तपाईको मनोकामना पूरा हुन्छ।
• तुला राशि – र, रि, रु, रे, रो, ता, ति, तु, ते (Libra) : –
तुला राशिको चौथो स्थान यानी सुख र माताको स्थानमा ग्रहहरुको संयोग बन्दै छ। यस समयावधिमा तपाईलाई भौतिक सुख प्राप्त हुनेछ। यात्राको योग बन्नेछ। पारिवारिक जीवन खुशीयाली छाउनेछ। नयाँ कामको प्रस्ताव आउनेछन्। कार्यस्थलमा तपाईको कामको प्रशंसा हुनेछ। महाशिवरात्रिमा भोलेनाथको पूजामा महलाई पनि समावेश गर्नुहोस्।
• मकर राशि – भो, ज, जि, खि, खु, खे, खो, गा, गि (Capricorn) : –
मकर राशिमा ग्रहहरुको अद्भुत संयोग बन्दै छ। त्यसैले जागिरमा बढुवा पाउनुहुनेछ। तपाईको दाम्पत्य जीवन सुखद् रहनेछ। प्रेमी-प्रेमिकाको प्रेम जीवनमा केही तनाव सिर्जना हुन् सक्छ। भगवान शिवलाई प्रसन्न पार्नको लागि महाशिवरात्रीको दिन कालो तिललाई दूधमा मिसाएर रुद्राभिषेक गर्नुहोस्।
