ठगिइन् सनी लियोनी, ट्वीट गर्दै मागिन् गुहार

एजेन्सी : बलिउड अभिनेत्री सनी लियोनॆ अनलाइन ठगीको शिकार भएकी छिन्। उनको प्यान कार्ड प्रयोग गरेर कसैले ऋण लिएका छन्। सनी लियोनीले सामाजिक सञ्जालमार्फत यो जानकारी दिएकी हुन् ।

सन्नी लियोनीले आफ्नो प्यान कार्ड प्रयोग गरेर ‘धनी एप’ मार्फत कसैले २ हजार भारु लिएको बताइन्। त्यसयता उनको सिबिल स्कोर खराब हुँदै गयो। यसविरुद्ध उनले सम्बन्धित कम्पनीमा गुनासो गरिन्।

भारतीय सञ्चारमाध्यमहरुका अनुसार केही समयपछि कम्पनीले सन्नी लियोनीलाई सम्पर्क गरी उनको समस्या समाधान गरिदियो। यसपछि सन्नीले आफ्नो गुनासो लेखेको ट्वीट हटाइन्। र कम्पनीलाई धन्यवाद दिँदै ट्वीट गरिन्।

सनी लियोनले आफूलाई सहयोग गरेकोमा कम्पनीलाई धन्यवाद दिँदै लेखेकी छिन् – ‘IVLSecurities, @ibhomeloans र @CIBIL_Official लाई समस्या समाधान गरेको र अब त्यस्तो कहिल्यै नहुने विश्वास दिलाएकोमा धन्यवाद। मलाई थाहा छ तपाईहरु सबैले हामी सबैको ख्याल राख्नुहुन्छ। ‘