काठमाडौँ : ज्योतिषमा हरेक ग्रहको विशेष महत्व रहेको छ। जसरी कुण्डलीमा सूर्यको महत्वपूर्ण स्थान छ, त्यसैगरी बुध ग्रहको पनि उत्तिकै महत्व छ। कुण्डलीमा बुध ग्रह शुभ स्थितिमा नभएका व्यक्तिको जीवन सुखमय हुँदैन। यसैकारण ज्योतिषशास्त्रमा बुधलाई राजकुमार भनिएको छ। कुण्डलीमा शुभ बुधलाई बलियो बनाएर जीवन सुखमय बनाउन सकिन्छ। जान्नुहोस्, बुध ग्रहलाई कसरी बलियो बनाउन सकिन्छ।
बुध ग्रह कसरी अशुभ हुन्छ ?
बुध ग्रहहरुमध्ये राजकुमार हो। यो सूर्यको सबैभन्दा नजिक ग्रह पनि हो। कुण्डलीमा बुध र सूर्य लगभग सँगै रहन्छन्। कुनै पनि व्यक्तिको कुण्डलीमा ४, ६, ८ र १२ औँ भावमा बसेको बुधले शुभ परिणाम दिँदैन। अर्कोतर्फ बुध ग्रहमा शनि र राहुको दृष्टि परेमा अशुभ परिणाम दिन्छ। यसबाहेक बुध कन्या राशिमा उच्च हुन्छ, जबकि मीन राशिमा नीच भएर सम्पूर्ण कामहरु बिगार्छ। साथै बुध मेष, कर्कट, वृश्चिक र धनु राशिमा भए अशुभ मानिन्छ।
शुभ बुध ग्रहबाट यी लाभहरू प्राप्त हुन्छन्
बुध ग्रहले मिठो बोलीवचनको लागि शक्ति प्रदान गर्छ। बुध शुभ स्थितिमा हुँदा बुद्धि तेज हुन्छ। यसबाहेक बुध ग्रह शिक्षा, सन्तान र व्यापारको कारक पनि हो। अशुभ बुधको कारण व्यक्तिको बुद्धि मन्द हुन्छ। यससँगै छालासँग सम्बन्धित रोगहरुले सताउँछ। यसबाहेक अशुभ बुधको कारण बोल्ने क्षमता कम हुन्छः। साथै सन्तानलाई कष्ट हुन्छ।
बुध ग्रहलाई शुभ बनाउने उपाय
• ज्योतिषीलाई कुण्डली देखाएर पन्ना मणि धारण(Emerald gemstone) गर्नुहोस्।
• बुधबार चाँदी वा सुनको धातुमा पन्ना लगाउनुहोस्।
• पन्नालाई सबैभन्दा सानो औँलामा लगाउनुहोस्।
• हरियो रंगका वस्तुहरूको अधिकतम प्रयोग गर्नुहोस्।
• माता दुर्गा, भगवान गणेश र विष्णु देवको नियमित पूजा गर्नुहोस्।
• बुधबार मुङ्गको दाल, चिनी र सुकुमेल दान गर्नुका साथै गाईलाई हरियो घाँस खुवाउनुहोस्।
• बुधबार कन्या पूजा गर्दा तिनलाई हरियो सामान दान गर्नुहोला।
