बलिउड क्षेत्रमा यति बेला कट्रिना कैफ र विक्की कौशलको विवाहको चर्चा चलिरहेको छ । अहिले विवाहको तयारी धुमधामको साथ सुरु भएको छ । डिसेम्बर ७ मा सिक्स सेन्सेस होटल बरवडा म्युजिकल नाइट थियो । यस म्युजिकल नाइटमा धेरै पञ्जाबी र हिन्दी हिट बजेका थिए । यति बेला अभिनेत्री तथा अभिनेताको विवाहको तयारीमा भएको म्युजिक कार्यक्रमको एक भिडियो सार्वजनिक भएको छ ।
भारतीय मिडियाको खबर अनुसार विक्की कट्रिनाको विवाहको कुनै पनि तस्बिर तथा भिडियो लिन नपाउने भनिएको थियो । सामाजिक सञ्जालमा धेरै भिडियो भाइरल भइरहेका छन् । यी भिडियोहरू कट्रिना कैफ र विक्की कौशलको म्युजिक सेरेमनीका हुन् भनिएको छ । सांगीतिक कार्यक्रममा अतिथिहरुले नृत्य प्रस्तुत गरेका थिए ।
संगीतमा राजस्थानी स्थानीय गीत पनि बजाइएको थियो । विक्की कौशल र कट्रिना कैफको सांगीतिक भिडियो अहिले सामाजिक सञ्जालमा भाइरल भइरहेको छ । भारतीय सञ्चारमाध्यमका अनुसार कट्रिनाको फिल्म ‘सूर्यवंशी’ को ‘टिप टिप बरसा पानी’ गीत पनि संगीत समारोहमा बजाइएको थियो ।
