एजेन्सी : ज्याक्लिन फर्नान्डिज(Jacqueline Fernandez) बलिउडको सफल अभिनेत्रीमध्ये एक हुन्। उनी प्राय: सामाजिक सञ्जालमा आफ्ना तस्बिर तथा भिडियोहरु शेयर गरी सञ्चारमाध्यमहरुको लागि खुराक बन्ने गर्छिन्। आफ्नो मनमोहक जिउडाल र हँसिली स्वभावको कारण ज्याक्लिनले छोटो समयमै बलिउडमा करौडौं मानिसहरुका मनमुटुमा बास गरिन्।
ज्याक्लिनको जन्मथलो श्रीलंका (Sri Lanka) हो। ज्याक्लिन आफ्नो फिल्मसँगै सुकेश चन्द्रशेखरसँगको सम्बन्धको कारण चर्चामा छिन्। आज हामी तपाईलाई ज्याक्लिनको श्रीलंकादेखि भारतसम्मको यात्राबारे तपाईलाई बताउनेछौँ।
ज्याक्लिन फर्नान्डिजको जन्म ११ अगस्ट १९८५ मा श्रीलंकाको कोलम्बो(Colombo) शहरमा भएको थियो। उनले प्राथमिक तहको शिक्षा बहराइन(Bahrain) बाट पूरा गरेकी थिईन् र त्यसपछि उनी मास कम्युनिकेसन कोर्सको लागि अस्ट्रेलियाको सिड्नी विश्वविद्यालय(The University of Sydney) गईन्।
ज्याक्लिन बाल्यकालदेखि नै हलिउड स्टार बन्ने सपना देख्थिन्। यहीँ कारण उनले जोन स्कुल अफ एक्टिङबाट तालिम पनि लिएकी थिईन्।
त्यसपछि उनले बलिउडका थुप्रै फिल्महरुमा अभिनय गरिन्, जसमा ‘हाउसफुल २(Housefull 2)’, ‘रेस २(Race 2)’, ‘किक(Kick)’, ‘जुड्वा २(Judwaa 2)’, ‘हाउसफुल ३(Housefull 3)’, ‘भूत पुलिस(Bhoot Police)’ आदि पर्छन्। सन् २०२० मा उनी बेस्ट डेब्यु एक्ट्रेस(Best Female Debut)को अवार्डबाट सम्मानित भएकी थिईन्।
भारतीय सञ्चारमाध्यमहरुका अनुसार कोर्स पूरा गरिसकेपछि उनी श्रीलंका फर्किईन्। उनले रिपोर्टिङ सँगसँगै मोडेलिङमा पनि हात हालिन्। उनले थुप्रै सौन्दर्य प्रतियोगिताहरूमा लिईन् र सन् २००६ मा उनले मिस युनिभर्स श्रीलंका(Miss Universe Sri Lanka)को ताज आफ्नो पोल्टामा पारिन्।
मोडेलिङमा सफलता मिलेपछि ज्याक्लिनलाई विदेशी प्रोजेक्टहरुबाट पनि प्रस्ताव आउन थाल्यो र सन् २००९ मा एक मोडेलिङ असाइनमेन्टको लागि भारत गईन्। त्यहीँबीच उनले सुजोय घोष(Sujoy Ghosh) को फिल्म ‘अलादिन’ को लागि अडिसन दिईन् र छनोट पनि भईन्।
त्यसपछि उनले ‘म:_-र्डर २’ मा भूमिका पाईन्, जसमा नाम र दाम दुवै कमाईन्। फिल्मसँगै ज्याक्लिनको एल्बम सङ्ग पनि हिट भए। एल्बम सङ्ग जिएफ-बिएफ, ‘मेरे अंगने में २.०’, बादशाहको गीत ‘गेन्दा फूल’, ‘पानी-पानी’ बाट पनि ज्याक्लिनले राम्रो लोकप्रियता हासिल गरिन्। ज्याक्लिनको नाम निर्देशक साजिद खानसँग पनि जोडिएको थियो। यी दुई सम्बन्ध रहेको खबरहरु सार्वजनिक भएका थिए।
