बिग बोस ओटीटी फेम उर्फ जावेद आफ्नो स्टाइल स्टेटमेन्टका कारण अक्सर चर्चामा रहन्छिन् । विभिन्न प्रकारका पहिरनका कारण उनी सामाजिक सञ्जाल प्रयोगकर्ताको निशानामा रहन्छिन् । हरेक पटक उनको अनौठो पहिरनको कारण ट्रोल हुने गरेकी छन्।
यद्यपी उर्फीले यी ट्रोलर्सलाई खासै प्रतिक्रिया दिएको देख्न सक्दैनौ। तर यसपटक उनले भने निरुत्साहित भई कमेन्ट गर्नेहरुलाई जवाफ दिएकी छिन् ।
हालै उर्फीले कालो मल्टि कट आउट ड्रेसमा आफ्नो तस्विर र भिडियो सेयर गरेकी थिइन्। यो तस्विर अपलोड भएको केहि घन्टामा नै भाइरल भएको थियो। सामाजिक सञ्जाल युजरले यसलाई अनौठो मान्न थाले र विभिन्न टिका-टिप्पणी गर्न थाले।
यसमा उर्फीले केहि जवाफ दिईनन्। उनले आफुले यस्तो नचाहिदो कुरामा ध्यान नदिने कुरा बताएकी थिइन्। उनले आफुले नबुझ्ने मान्छेको सोचलाई लिएर चिन्ता नलिने कुरा उल्लेख गरेकी थिइन्।
