आज साउन महिनाको विनायक चतुर्थी हो । साउनमा शिवजीका साथै भगवान गणेशको पूजाको पनि विशेष महत्व छ। हरेक महिना दुई चतुर्थी तिथि हुन्छन् जसलाई भगवान गणेशको तिथिको रूपमा मानिन्छ। शुक्ल पक्षको चतुर्थीलाई विनायक चतुर्थी र कृष्ण पक्षको चतुर्थीलाई संकष्टी चतुर्थी भनिन्छ। यस दिन भगवान गणेशको पूजा विशेष फलदायी मानिन्छ। भगवान गणेशको पूजा गर्दा ठूला भन्दा ठूला विघ्नबाट बच्न सकिन्छ। त्यसैले पनि गणेश जीलाई विघ्नविनाशक पनि भनिन्छ।
विनायक चतुर्थीको शुभ मुहूर्त
विनायक चतुर्थी तिथि प्रारम्भ: साउन २७ गते साँझ ५ बजेर ८ मिनेटबाट
विनायक चतुर्थी तिथि समापन: साउन २८ गते दिउसो ३ बजेर ३९ मिनेटसम्म
विनायक चतुर्थीको पूजा विधि
बिहान सबेरै उठ्नुहोस्, नुहाउनुहोस्, रातो रंगको कपडा लगाउनुहोस् र सूर्य देवतालाई तामाको भाँडाले अर्घ्य चढाउनुहोस्। त्यसपछि भगवान गणेशको मन्दिरमा प्रसादको रूपमा एक काँचो नरिवल र मोदक लिएर जानुहोस्। गणेश जीलाई गुलाबको फूल र दुबो अर्पण गर्नुहोस् र २७ पटक ओम गणपतये नमः मन्त्र जप गर्नुहोस् र धूप-बत्ति बाल्नुहोस्। दिउँसो पूजाको समयमा, आफ्नो क्षमता अनुसार, घरमा पीतल, तामा, माटो वा सुन वा चाँदीबाट बनेको गणेश मूर्ति स्थापना गर्नुहोस्। संकल्पपछि, भगवान गणेशको पूजा गर्नुहोस् र बच्चाहरुलाई मोदक प्रदान गर्नुहोस्।
विनायक चतुर्थीको महत्व
भगवान गणेशलाई देवताहरु मध्ये सर्वप्रथम पुज्य मानिन्छ। कुनै मन्त्र, जप, अनुष्ठान गणेश पूजा बिना सफल हुँदैन। विनायक चतुर्थीको महिमाको महत्व शास्त्रहरुमा पनि उल्लेख छ। यस दिन गणपतिको पूजा गर्नाले धन-लाभ, सुख-समृद्धि प्राप्त हुन्छ। आजको दिन विघ्नहर्ता भगवान गणेशको पूजा गर्नाले सबै प्रकारका दुखबाट मुक्ति मिल्नेछ।
