एजेन्सी – लामो समय देखि बलिउडमा सक्रिय कपूर परिवार यति बेला पिडामा छ। ऋषि कपूरको निधन भएको एक वर्ष पनि नबित्दै कपूर परिवार अर्को अवशानको पिडा भोगिरहेको छ।
आफ्ना दुई भाइको एकै वर्ष निधन भएपछि रणधीर कपूर अत्याधिक पिडामा छ। ऋषि कपूरको निधनको पिडा कम नहुँदै राजीव कपूरको पनि निधन भएपछि रणधीर विक्षिप्त भएका छन्।
निर्देशक र निर्माता समेत रहेका अभिनेता राजीव कपूरको ५८ वर्षको उमेरमा गत मंगलबार निधन भएको हो। राज कपूरका पाँच छोरा-छोरा मध्ये राजीव कपूर सबै भन्दा कान्छा थिए।
उनको अन्तिम संस्कार मंगलबार साँझ सम्पन्न भयो। उनको अन्तिम संस्कारमा पारिवारिक सदस्यका अलावा बलिउडका प्रतिष्ठित व्यक्तित्वहरूको उपस्थिति थियो।
उनको अन्तिम संस्कारमा उपस्थित भएका एक व्यक्तिको तस्विर यतिबेला सामाजिक संजालमा भाइरल भइरहेको छ। राजीव कपूरको अन्तिम संस्कारमा लठ्ठी टेकेर पुगेका एक व्यक्तिलाई देखेर सामाजिक संजाल प्रयोग कर्ताहरु भावुक मात्र बनिरहेका छैनन्, उनी को हुन् भन्दै प्रश्नहरु पनि गरिरहेका छन्।
को हुन् उनी ?
लठ्ठी टेकेर राजीव कपूरको अन्तिम संस्कारमा पुग्ने विश्व मेहरा हुन्। ९४ वर्षीय उनी कपूर परिवारका आफन्त नभएपनि कपूर परिवारसँग लामो समय देखि राम्रो सम्बन्ध रहेका व्यक्ति हुन्।
भारतीय संचार माध्यमहरुका अनुसार राज कपूरको नाममा खोलिएको आरके स्टूडियोमा उनी कुनै समयमा म्यानेजर थिए। त्यसैले कपूर
परिवारसँग उनको राम्रो सम्बन्ध छ।
